Mrs Co:Lam 凱林家生活

Youtube: www.youtube.com/@mrscolam

Website: www.mrscolam.com

Beauty

Kiehl’s新品：特效保濕萬能修復霜對抗敏感泛紅肌

Posted on 28/01/2023

突然急凍嘅天氣，帶來敏感爆拆嘅肌膚！前兩日喺街吹多幾吹冷風，晚上洗面時面頰仲有刺刺地嘅感覺！Kiehl’s今年推出咗全新特效保濕屏障修復霜，係一支萬用修復霜，啱晒呢個時候用，唔只立即為敏感泛紅肌膚紓緩乾燥痕癢，令肌膚舒服啲，仲可以做到持久紓緩同深層修復，如果你哋都有壓力肌或者敏感泛紅肌嘅問題，就要留意喇。

Kiehl’s呢支萬用修復霜功效強勁

．1小時極速修復受損屏障

．快速滲透10層肌底

佢係利用一種專利嘅屏障科技，專門針對肌膚屏障受損嘅壓力肌同敏感肌，修復肌膚屏障嘅同時，仲加強保護肌膚，令肌膚免受其他外在因素刺激同侵害，幫助肌膚回復舒適、水潤嘅感覺。

第一次使用時我就覺得佢嘅質感非常特別，唧出嚟嘅時候係柔潤嘅軟膏狀，又厚又潤，但只要喺肌膚輕輕按摩好易推開，大約10秒左右就會完全轉化成柔滑嘅乳霜，極速被吸收融晒入肌膚裡面，有效滲透肌底、鎖緊肌膚水分，搽完之後好舒服，肌膚瞬間有水潤脹卜卜飲飽水嘅感覺。

咁係因為Kiehl’s 嘅專利屏障科技呢個時候已經形成仿肌膚構造嘅保護層，幫助修復及支撐肌膚屏障。產品配方中蘊含天然燕麥及β-葡聚醣，可即時紓緩受壓肌、敏感泛紅肌嘅不適感覺，作為 #萬用修復霜，無論去邊都可以袋住佢，方便急救肌膚突發狀況！

特效保濕屏障修復霜嘅配方不致粉刺，無酒精、無香料、無色素、無 Paraben，更於100%嘅敏感肌膚進行測試，當中有50%係屬於超乾至乾性膚質，證實適合敏感肌膚使用，大家可以用得放心。

使用方法

晚間護膚程序時：

．重點使用於特效保濕乳霜後/ 或代替面霜用於全面 (需要時可早晚使用）

．塗抹時，以打圈方式輕輕按於面部

．亦可於有需要重點修護嘅位置薄薄塗抹一層，或於乾燥位置按需要層疊塗抹。

加強組合護膚推薦

另外，推介大家配合Kiehl’s皇牌產品Super Facial Cream 特效保濕乳霜一齊使用，加倍幫助重現健康強靱嘅彈嫩肌。Kiehl’s 連續10年銷量 No.1 ，每3秒售出1瓶嘅 #特效保濕乳霜，雙重保濕力可以24小時長效保濕，倍升肌膚水份至230%。同時佢含有高效天然成份南極葡萄醣蛋白及優質橄欖油，可以有效強化及修護肌膚屏障，防止水份流失，用完重拾水潤彈嫩感，仲有4大零負擔保證：無酒精、無香料、無色素、無 Paraben ，輕盈質感，敏感肌都適用，還原「肌」本步，真係最貼心嘅保濕BFF !

Kiehl’s

https://www.kiehls.com.hk

::::::::追蹤Mrs Co:Lam 凱林家生活 :::::::::

如果喜歡我的分享，記得追蹤埋「Mrs Co:Lam 凱林家生活」其他平台，更快知道更多更好的有趣資訊。

Mrs Co:Lam 凱林家生活

Youtube: www.youtube.com/@mrscolam

#BarrierCream #BarrierStrength

Website: www.mrscolam.com

#UltraFacialCream #UFC #No1面霜

#KIEHLSHK #Kiehls

Beauty

元朗Salon推介｜好開心搵到好好嘅髮型師/髮型屋

Posted on 20/01/2023

我想講… 我好鍾意我嘅新髮型！疫情期間我其實真係疏於打扮咗，但臨近年尾點都要執靚番少少過新年，多謝我嘅髮型師Ron 永遠都可以喺限時幾個鐘之內令我喺髮型屋中重生，靚番、sharp番咁過新年，髮型唔同，心情都唔同啲，thank you~~ 希望新一年大家都愈來愈好，開開心心！

記得初時搬來元朗，試過好多間元朗髮型屋，可惜間間Salon都唔合我心意，本來諗緊唔通要出返中環剪頭髮？好彩試咗N間之後誤打誤撞最後搵到Ron先冇再轉過髮型師，所以呢幾年我已經介紹咗俾好多住元朗嘅朋友！Ron次次都幫我諗到啱我嘅hairstyle，雖然我每次都唔想有大轉變，但佢就可以喺當中幫我加入新鮮感同跟番個hair trend適當地漂頭、染髮，所以我次次 #小改造都好滿意。

最神奇係每次漂染highlight後髮質仲好過之前，因為佢會幫我同一時間做染髮+焗油，非常慳時間之餘，treatment後仲會即刻令髮質回復油順有光澤，有啲人叫呢個做 #諾貝爾 hair treatment，因為呢個日本Tokio Inkarami hair treatment 嚴重受損髮質都好適合，有諾貝爾得獎成份「富勒希（C60）」，效果好顯著仲keep到好耐，所以自從做咗一次之後我次次染髮都會做埋呢個treatment，真係返唔到轉頭。

元朗Salon 質素真係好參差，如果各位元朗嘅朋友都搵緊適合嘅元朗Salon, 我就非常推介去iForward Salon 搵阿Ron。間Salon全層3000呎，啱啱裝修完又大又靚，裏面仲有個corner裝修到成間cafe咁，好有日系文青feel。Salon喺元朗嘉城廣場隔籬轉角位，招牌係「IFW」都應該幾易搵到。

元朗 iForward Salon (IFW)

地址：元朗教育路21-23號英暢大廈1樓全層 (即係嘉城廣場旁邊惠康樓上）

地圖：https://goo.gl/maps/5btu7nEy7mQj7jfU6

提提大家必須先預約，以下係我髮型師WhatsApp：

Ron Lam 53137299 (逢星期一休息）

＊可以話凱林家介紹，應該會有折呀

元朗髮型屋推介：IFW Salon （入口在惠康及地產舖中間嘅樓梯，行上一層就到喇）

#元朗髮型屋 #元朗salon #漂頭 #染髮 #焗油 #HairTreatment

::::::::追蹤Mrs Co:Lam 凱林家生活 :::::::::

如果喜歡我的分享，記得追蹤埋「Mrs Co:Lam 凱林家生活」其他平台，更快知道更多更好的有趣資訊。

Mrs Co:Lam 凱林家生活

#TutorABC #tutorJr #TutorABChk #tutorJrhk #牛津英語 #oxfordenglish #兒童英語 #牛津英語 #OnlineEnglishClass #幼兒教育

Website: www.mrscolam.com

Lifestyle

【真人分享】TutorJr兒童英語課程 (附免費試堂方法）

Posted on 10/01/2023

呢幾年受疫情影響好似冇乜返過學，不過凡事有好有壞，例如以前搵外籍老師上門教英文，價錢唔平！不過疫情之下慣咗網課，反而可以放眼世界，可以用相宜價錢全球搜羅外國高質素嘅老師，例如最近Bat喺tutorJr上完幾堂牛津英語，我就覺得非常好喇，唔只重視「聽」同「講」，仲針對「讀」同「寫」。而家仲有 #免費試堂及英語能力評估報告，各位都可以登記試吓。如果之後有興趣，仲可以用85折優惠碼報堂，低至$78/堂㗎

到底tutorJr值得推介嗎？

首先，佢係一間國際性嘅教育機構，同時係全球 No. 1 嘅線上語言學習平台，仲好多世界知名嘅教育機構都有合作，例如Oxford、Cambridge、Disney、Barron’s都係tutorJr嘅官方認證合作夥伴。大家都知市面好多網上課程良莠不齊，tutorJr嘅背景已經絕對值得信賴。

再者，親身試堂後我就深深體驗到佢哋嘅英文外籍導師確實經驗豐富，因為Bat 試過好多唔同網課，可以話大部份老師都好難令佢集中上堂，冇返咁上下教育經驗係處理唔到佢。但tutorJr 嘅外籍英語老師每次面對Bat 成日岔開話題撩傾偈時，總有辦法見招拆招，流暢地引導佢集中做返當日嘅學習主題。睇返資料原來tutorJr嘅老師係100%擁有國際教學證照，平均3年以上教學經驗，唔怪得係唔同啲。

睇Bat 表情，就知佢好認真思考緊。

適合3至15歲報讀

Bat報讀嘅課程係「牛津英語」，用嘅係牛津大學教材，適合3至15歲小朋友由幼稚園到小學都可以繼續晉級，而且師資全部係英文外籍老師，家長可以揀指定嘅心水老師，或者俾小朋友試多啲唔同老師都可以。

課程設計好好，一開始會有一個免費評估，等我哋知道小朋友從邊個程度開始上堂。之後每堂會根據牛津大學出版教材作主題學習，透過唔同情景學習對話，每星期一至兩堂，當中除咗聽同講進步神速，仲可以學識好多生字，識寫識讀㗎。

另外，我都好欣賞tutorJr整個學習流程同系統設計。

1. 上堂前，我可以先同Bat喺tutorJr App 或網上平台睇該課堂嘅內容做一個preview。

2. 上堂時，老師除咗周不時有星星獎勵，鼓勵Bat 俾心機，仲會出動唔同卡通表情聲效，吸引小朋友集中番喺屏幕上嘅內容。

3. 課堂後，老師會send出報告，指出小朋友值得嘉許嘅地方，同時提醒需注意加強嘅弱項。

上堂期間全程有視像紀錄課堂，之後可隨時重溫，有時候我都會同Bat 一齊作「賽後檢討」，等佢自己睇返自己嘅表現，咁佢就知道自己邊一部份做得好定唔好，媽媽都不必多言啦。

上完堂，可以自己入返去App溫習、聽生字同做練習。

極方便網上Book堂系統

同埋佢係24小時都可以喺網上平台隨時book堂，有時我凌晨先得閒，都可以上網預約即時有人工智能幫我編堂，如果臨時有事嘅話，仲開課前4小時更改預約時間，真係好方便，啱晒忙碌嘅媽媽呀。

#85折報讀課堂優惠碼

85折後，平均低至$78/堂

基本係一個月上四堂課，包4堂25分鐘一對一牛津英語堂，仲會額外送兩堂「精華講座」同兩堂「主題大會堂」，即係共8堂，八五折後平均每堂約$90咋！

另外仲有12堂/ 24堂/ 48堂選擇，48堂牛津一對一，會送24堂「精華講座」同24堂「主題大會堂」，即係共96堂，八五折後每堂平均$78 最划算。

會員有好多免費課堂可以自己喺App選擇預約。

免費登記體驗課

免費登記體驗課及取得孩子英語能力分析： https://bit.ly/3k2Ae0M

85折優惠碼：P4AEA7CD

如果有問題都可以WhatsApp問佢哋，專為香港家長而設：+852 67798806

直接WhatsApp Link: https://wa.link/nvsqnu

如果喜歡我的分享，記得追蹤埋「Mrs Co:Lam 凱林家生活」其他平台，更快知道更多更好的有趣資訊。

::::::::追蹤Mrs Co:Lam 凱林家生活 :::::::::

Mrs Co:Lam 凱林家生活

#Kerastase #Kerastasehk #Chronologiste #LiveBeyondTime #VeryPersonalCare

Website: www.mrscolam.com

Beauty

點評KÉRASTASE Chronologiste黑鑽魚子護髮系列

Posted on 24/12/202220/01/2023

收到護髮產品做聖誕禮物真係好開心嘅，因為除咗護膚，護髮都好重要㗎！尤其髮質因為漂染、電髮等受嘅損傷日積月累，如果唔處理之後就會愈來愈差、難以再逆轉，望落個樣會好殘，就算皮膚keep 得靚，頭髮唔靚都大打折扣，所以要用啲真正強效嘅護髮產品，KÉRASTASE Chronologiste黑鑽魚子系列，就係一個令我一試愛上嘅護髮系列，改善髮質好有效!

逆時光至臻修護系列，靈感源自珍貴「魚子」，真係幫到秀髮好似逆轉時光咁回到以前健康髮質嘅柔順亮澤。產品蘊含透明質酸、活性海源精華及維他命E等護膚品常用成分。其實用完第一次除咗聞到好香，好似噴咗秀髮香水，仲立即已見到好明顯嘅改善效果，髮絲更柔順、更水潤、更光澤、梳頭冇咁撠、毛躁大大減少。長時間使用，仲可以長效解決斷髮、掉髮問題㖭。好適合頭皮乾燥、敏感嘅人用。

如果各位都想幫頭皮、頭髮「逆齡」，恢復年輕，好推介呢set KÉRASTASE Chronologiste黑鑽魚子逆時光至臻修護系列俾你！KÉRASTASE 網店同門市而家都有新推出嘅 #限量套裝送禮自用都好啱，快啲去睇吓啦！

詳情或購買：https://www.kerastaseshop.com.hk

Lifestyle

童裝穿搭｜小男孩的冬季穿搭分享

Posted on 02/12/2022

Yeah~~ 我哋開始X’mas shopping 喇！Bat Bat 大個仔，可以同我一齊行街買衫，仲開始對自己嘅穿搭風格有啲要求，大家一齊睇吓Bat Bat呢個【小男孩穿搭日誌】啦～

今次去Balabala 我哋襯咗好幾套靚衫，我發現Bat Bat鍾意嘅款式同爸爸仲好似㖭！唔怪得爸爸全程咁有心機同佢一齊睇衫、襯衫啦。

我自己都一直好鍾意Balabala童裝嘅設計，質素又好，今季冬季新款同聖誕系列都好靚，男童裝型仔得嚟又加入童趣元素，可以玩好多唔同穿搭風格。

1 韓系休閒風格

大膽鮮艷顏色配合黑白插畫圖案鬆身衛衣，突顯休閒感又帶點型格玩味，下身湛藍色牛仔褲上有英文字點綴，簡單得來不失特色，最後記得襯埋Cap 帽，整體時尚感立即level up，變身韓系潮童。去行街街或者一般去朋友家玩都好適合。

2 美式運動風格

呢套100% 係Bat Bat自己襯，完全反映佢平時最鍾意嘅顏色同風格，重點係全套oversize自由拼配嘅運動裝，勁舒服又型格！呢件紅藍白半拉鍊上衣佢一見到就愛上，裡面著短袖衫打底，玩到熱可以隨時脫掉外衣！佢選襯百搭黑色運動褲，基本上係weekend 去公園玩跑跑跳跳或者去溜冰嘅指定穿搭吧！

3 歐美Smart Casual

不想太隨便，又不想太隆重，冬天想小男生要smart casual 其實只需選啱一件鬆身圖案毛衣，搭配深色牛仔褲就可以！呢件毛衣用咗男孩子們最愛嘅恐龍漫畫元素，配合鮮艷撞色領口及衣擺，帶出充滿chic style嘅歐美風格。

4 聖誕節日主題

呢個係最難嘅，好似Bat Bat呢啲就嚟六歲嘅小男孩，就算去聖誕party都唔想成身紅噹噹。好Balabala呢件聖誕主題冷衫設計就剛好，用深藍色作主調，配合聖誕圖案及少量紅色幾何點綴，充滿聖誕feel又不失時尚感。下身襯摺腳牛仔褲，增加型格細節，整個聖誕look 立即充滿層次（同埋下年放番褲腳都啱著，媽媽係咪好精明呢～）

天氣凍，外套方面其實可以好百搭，想casual 啲可以選擇配搭呢件紅黑拼色棉褸，係咪成個好sharp 醒？

另外，想特別介紹呢對Balabala運動鞋，Bat Bat 超級喜歡，唔使綁帶，穿上後「擰」個圓扣收緊對鞋就得㗎喇，好方便！

同場加映：女童裝太靚喇

其實女童裝都好靚，睇吓～不過我冇女，唯有買吓啲Balabala啲小女孩聖誕首飾box set做聖誕禮物啦～～我係大人見到都覺得好吸引，小女孩們收到實好開心。

Balabala本身都價錢都幾親民，而家佢哋仲有好幾個系列有減價優惠，非常非常抵買！

Balabala

網店： https://www.balabala.com.hk

分店：https://www.balabala.com.hk/pages/our-store

::::::::追蹤Mrs Co:Lam 凱林家生活 :::::::::

如果喜歡我的分享，記得追蹤埋「Mrs Co:Lam 凱林家生活」其他平台，更快知道更多更好的有趣資訊。

Mrs Co:Lam 凱林家生活

Website: www.mrscolam.com

Lifestyle

超詳盡CircleDNA test (+優惠碼分享）

Posted on 21/11/2022

好多朋友知我哋之前做咗CircleDNA test，問我值唔值得做？我都會答：愈早做愈好！DNA test 真係睇到好多嘢，我哋做嘅 CircleDNA 全面基因測試，只需要用一滴口水化驗，就出500幾個reports，包括20個類別，如：祖源分析、天賦潛能、性格特徵、膳食敏感、遺傳疾病風險、癌症風險、藥物反應、運動表現及健康評估等，結果好準，好有參考價值。

父母就最想知小朋友天賦潛能，盡早加以栽培，早啲揀啱路，唔好浪費小朋友天份。Bat Bat 做完CircleDNA test，其中【成功潛能】呢部份就反映佢嘅 #語言能力係”Excellent”，呢個DNA測試結果同佢早前做IQ test結果係一樣㗎！而媽媽我嘅【成功潛能】係創意力，所以我喺文字工作及marketing 發展都係正確嘅。

另外呢個test 亦發現Bat Bat 同Bat 爸招蚊指數低，而我就係高，所以我成日俾蚊狂咬，佢哋就全日企喺我旁邊都可以置身事外。你話呢個CircleDNA test 係咪好準喇？

睇番CircleDNA 都可以話係市面最詳盡嘅DNA測試，分析結果可以隨時喺佢嘅APP睇番，介面好清晰，有summary report，有興趣嘅地方再進入睇詳細報告。例如佢就發現我容易壓力性肥胖，所以我想keep fit 就要特別重視減壓著手。最正係佢提供埋免費 health coach 進行一對一諮詢，想俾我哋了解多啲自己嘅詳細健康情況同獲取更多建議，俾我哋可以更有準備地規劃人生。我知好多計劃生育嘅夫婦都有做CircleDNA Test就係呢個原因。不過記住呀，呢個唔係一個體檢報告，如有健康疑慮就要再搵醫生睇睇。因為基因測試係測先天而唔係測後天嘅，所以後天嘅嘢唔會從報告中睇到。所以我話DNA測試愈早做愈好，預防勝於治療呀！

8折優惠碼分享

如果你都想同屋企人一齊了解下自己嘅DNA，可以上CircleDNA官網了解多啲：

https://bit.ly/MrsColamBlogxCircleDNA

用我嘅專屬優惠碼，仲有8折優惠：

COLAM20

::::::::追蹤Mrs Co:Lam 凱林家生活 :::::::::

如果喜歡我的分享，記得追蹤埋「Mrs Co:Lam 凱林家生活」其他平台，更快知道更多更好的有趣資訊。

Mrs Co:Lam 凱林家生活

Website: www.mrscolam.com

Beauty

Kiehl’s 節日限量版2022閃亮登場

Posted on 17/11/2022

大家覺唔覺～周圍嘅聖誕氣氛開始滲緊出嚟啦！每年我都好期待嘅Kiehl’s聖誕限量版都推出咗！我用開嘅金盞花植物精華爽膚水戴咗 #聖誕帽，真係好可愛好搞笑！

呢支多效嘅治癒系 #肌膚涼茶，一年四季都啱用，尤其秋冬轉季呢啲天氣，好易多咗粉刺暗粒、敏感泛紅嘅問題，用佢就可以幫我哋急救敏感嘅轉季肌，有效即時️紓緩保濕、減褪敏感泛紅、調理粉刺痘印、平衡水油。配方溫和無酒精，就算敏感同暗瘡性肌膚都用得。

今個聖誕 Kiehl’s 聯乘人氣動畫工作室 Made by Radio ，為品牌六款最受歡迎嘅護膚產品配上獨特奇趣嘅 3D 立體畫風，包括好受歡迎嘅 #醫學維C淡斑精華、#特效保濕乳霜、#金盞花爽膚水、#極緻塑顏全效乳霜、#亞瑪遜白泥毛孔深層清潔面膜，全部都好型好靚，一定閃爆每個 gathering！

Kiehl’s 聖誕節購物禮遇

– 凡購買節日限量版金盞花植物精華爽膚水，即可額外獲贈得意又可愛嘅節日限量版瓶蓋

– 滿 HK$1,080，即可獲贈 Made by Radio 限量版化妝袋乙個及旅行試用裝 6 件(價值HK$421)

– 滿 HK$1,380，即可獲贈 Made by Radio 限量版化妝袋乙個及旅行試用裝 9 件(價值 HK$645)

– 滿 HK$1,800，即可獲贈 Made by Radio 限量版環保袋乙個及旅行試用裝 14 件(價值 HK$993)

去Kiehl’s官網了解更多: https://bit.ly/3UCVTtH

::::::::追蹤Mrs Co:Lam 凱林家生活 :::::::::

如果喜歡我的分享，記得追蹤埋「Mrs Co:Lam 凱林家生活」其他平台，更快知道更多更好的有趣資訊。

Mrs Co:Lam 凱林家生活