Uncategorized

空瓶分享~ Kiehl’s 肌膚涼茶

Posted on

重視「肌膚養生」的我,護膚品很多,經常試新產品,但能讓我一瓶用到底,有回購的卻不多,Kiehl’s金盞花瓣系列正是讓我這樣喜愛的護膚品。

近期看到有人再寫它的「空瓶記」,我也想回應一下湊湊熱鬧。為何Kiehl’s金盞花爽膚水(Toner )及金盞花修復精華面霜 (Water Cream)如此深得我心?因為它不但帶來水潤的肌膚,而且在夏天使用也絲毫不黏膩,感覺非常清爽,用後肌膚完全沒有負擔,尤其金盞花爽膚水真可稱為肌膚涼茶,完全可以為肌膚「消暑降火」,夏天保持肌膚水油平衡,減少油光滿面情況全靠它。

夏天及戴口罩容易長暗瘡痘痘,用了它更可以有助改善粉刺及幫助暗瘡疤痕癒合。

最初開始試用Kiehl’s金盞花瓣 Toner 及Water cream,是因為知道金盞花紓緩肌膚的神效,當時我的臉有點敏感,幸好轉用Kiehl’s金盞花系列立即有改善。用了幾星期,膚色就更均勻,而且更柔滑細緻。

我最喜歡的是爽膚水瓶中,你甚至可以肉眼看到一片片金盞花瓣在裡面盪漾,看著非常治癒,這些都是Kiehl’s以人手採摘的原片金盞花瓣;輕輕一抹,就可以紓緩肌膚,加上有點涼茶草本香氣,感覺實在是無比清新、清爽。

金盞花Water Cream 我也是一試愛上,面霜質感非常特別,極水漾但又像cream,是零負擔無重配方,每次潤水都有為肌膚灌水的感覺,可以瞬間紓緩肌膚不適感覺,同時強化保護屏障。

金盞花植物精華爽膚水 4 大用法

日常護理:早晚潔面後,以爽膚水沾濕化妝棉後輕抹全面,避開眼部位置。

局部濕敷:以爽膚水沾濕化妝棉作局部濕敷,可紓緩敏感泛紅現象。

隨身備用:將爽膚水放入小噴樽,隨時保濕紓緩,平衡肌膚油脂。

貼服上妝:將粉撲沾上爽膚水,提升底妝的貼服度及水潤度。

價錢給大家參考~

金盞花植物精華爽膚水 (Calendula Herbal-Extract Toner)

建議零售價:HK$210 / 125ml ; HK$315 / 250ml ; HK$515 / 500ml

金盞花修復精華面霜 (Calendula Serum-Infused Water Cream)

建議零售價: HK$ 360 / 50ml ; HK$ 620 / 100ml

==========

如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Lifestyle

一招解決鼻痕痕,最正嘅冷氣濾網推介!

Posted on

唔經唔覺開咗冷氣一段時間,個鼻開始成日覺得痕,連Bat Bat 都變身「如花」成日想撩鼻哥,好核突㗎~ 雖然鼻敏感唔算太嚴重,但到底點先可以令個鼻舒服啲?諗諗吓,原來係媽媽唔啱!

上兩星期我先突然記得原來係我唔記得洗冷氣機隔層網,一打開嚇死我,積塵厚到呢~~~ 除咗立即沖洗,媽媽我今次都學精咗,喺冷氣隔塵網上加多張  #3M靜電空氣濾網,佢嘅過濾效能比一般冷氣機隔塵網高40倍,可以有效過濾PM 2.5微粒、細菌、塵蟎及其碎屑、微塵、動物毛毛、花粉,仲有霧霾。

話晒小朋友呼吸系統發展仲未成熟,所以更加要好好保護佢嘅呼吸道,唔好輕易被致敏源誘發呼吸道疾病,否則好長手尾⋯⋯

因為好多研究都發現,室內空氣質素往往比室外更差,原因係室內空氣trap住晒唔流通,污染物更加難被吹散,所以我哋嘅屋企其實佈滿肉眼見唔到嘅致敏源,加上疫情令我哋長期留在家中,吸埋吸埋啲污染空氣,咪會覺得眼、鼻、喉嚨都唔舒服囉。如果再唔認真處理呢個問題,仲會引致頭痛、嚴重鼻敏感或者哮喘㖭!

依家我哋用咗3M™️靜電空氣濾網兩星期,覺得空氣質素已經改善咗好多,而家個鼻完全唔痕!Bat Bat 都唔使再做如花~~ 空氣好清新! 同埋我發現,3M™️靜電空氣濾網唔止可以有效過濾微細粒子,部冷氣仲可以保持良好嘅通風量,開冷氣至涼爽需要嘅時間完全唔覺得受影響。

而且安裝同更換都好方便,全程我都唔使向Bat 爸撒嬌叫佢幫手換,因為實在太簡單,我自己剪裁完,再用附送嘅皺紋貼紙貼好,需時都只係幾分鐘,唔使等佢啦。

包裝上建議濾網兩個月後更換(因環境而異),所以我喺附送嘅label 上寫咗7月15日,再貼喺冷氣機上提醒自己,到時再同大家分享下兩個月後嘅使用情況啦。 (記得 Like 凱林家生活 FB / IG 留意喇!)

#3M #靜電空氣濾網 #守護全家呼吸健康 #淨化空氣 #3M空氣淨化系列 #3M靜電空氣濾網 #過濾致敏原

==========

如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Lifestyle

丹麥環保紙尿片,天然防敏感!

Posted on

對的~ 講緊係紙尿片都可以用得更環保!之前我介紹過大家用環保 #布尿片,不過育兒生活嘅忙碌,令好多媽媽始終未能踏出多一步,好多人都唯有繼續帶住 #少少內疚 咁用紙尿片… 

其實想繼續慳時間同用得方便,仲可以選擇來自丹麥嘅Bambo Nature #環保紙尿片 呀~ 第一次發現佢係 #荷花BB展,當時佢哋從外國嚟嘅負責人好用心咁向媽媽們講解,原來Bambo Nature係丹麥政府指定嘅新一代環保紙尿片,仲取得極難獲取嘅 #北歐白天鵝生態標籤,證明咗佢哋喺環保方面作出嘅努力。

尿片所使用嘅木漿棉料亦係來自可持續森林,所以佢哋有FSC 森林認證。不過最令我驚喜嘅係尿片嘅柔軟透氣質地,Bat Bat 著得好舒服,吸濕防漏效果都唔錯!

Bambo Nature通過咗好多唔同嘅獨立權威機構測試,證實佢哋嘅紙尿片不含有害及致敏物質,溫和親膚不刺激,我睇外國網站見到唔少媽媽都大讚Bambo Nature 用料柔軟,BB 用咗唔會有尿布疹。

升級版更輕柔,夏天著都好舒服!

Bat Bat 最近仲開始用佢哋新升級版嘅 #無敏環保學習褲,環保又唔敏感,而且夠薄又輕柔,夏天著BB會舒服好多,正在進行potty training 嘅Bat Bat非常喜歡。

Bambo Nature生產過程不含氯氣、熒光劑及護膚液,全條尿片/ 褲仔沒有進行氯氣漂白,就連腰圍及腳圍都不含乳膠,本身質地已經非常天然柔軟、透氣舒適,100%無有害化學物質、無致敏。而今次新升級版竟然再提升咗柔軟舒適感同對皮膚嘅保護,柔軟到好似棉料紡織品咁,一觸碰你就會感受到嗰種超舒服嘅感覺。

而且,新版亦加入咗尿濕顯示,幫媽媽更易睇到尿片有冇濕,配合彈力十足嘅腰圍設計及再改良嘅吸濕技術,令到褲仔雖然更薄身,但仍然可以保持超強吸濕及鎖水能力。著咗之後,Bat Bat 就可以長時間保持乾爽,唔會唔舒服,亦冇咁易出疹啦。

Bambo Nature除咗有尿片,仲有出環保濕紙巾,同樣天然無敏又好用。我咁鍾意係因為佢俾我哋喺「環保」及「方便」中間取得一個微妙嘅平衡。如果大家都想為環保出一分力,就一齊選用Bambo Nature 啦!

咁邊度有得買?

#HKTVmall#大型母嬰百貨網店 有售

想知更多可以留意 Woolies Limited – Your Best Baby Products 

Facebook 專頁:https://www.facebook.com/WooliesHK/

==========

如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Beauty

膠原修復童顏槍 即去面黃浮腫

Posted on

有日老公同我食食吓飯,佢突然輕輕拍吓我個頭同我講:「你睇你個黑眼圈跌到落個鼻喇,早啲 瞓休息多啲啦!」

我都想!不過呢排真係忙,成個人殘晒,唔只黑眼圈,連眼紋、毛孔都出晒嚟,面色變得暗啞、 塊面好浮腫… 朋友都問我做乜好冇精神、好頹咁。

真係要急救殘樣,朋友叫我試吓做膠原修復童顏槍話好work!我即問痛唔痛?佢話完全唔痛,我 緊係即book 啦。

Hydro Skin 原來喺佐敦,我去都好方便。去到見到黎諾懿….. 個紙牌喺門口迎接我。

入去好快就開始treatment, 全程非常relax, 冇hard sell, 可舒服地瞓吓!

做完之後呢兩個星期,我都見到皮膚明顯光澤水潤咗,毛孔開始冇咁明顯,而黑眼圏都趕走一大 半!最緊要係塊面冇咁浮腫,成個人睇落就sharp 好多啦。

原來膠原修復童顏槍係用雙極+點陣式射頻配合脈衝分段式技術,將能量深入滲透入肌膚內嘅細胞。

我覺得做嘅時候感覺好得意,每打一下,都會喺皮膚深層感覺到暖一暖嘅感覺,舒服唔痛。做完療程之後,受刺激嘅膠原同纖維細胞會持續不斷增生,令毛孔收細、啲紋都淡好多,塊面水潤番 ,又減少水腫。

呢個treatment 唔算貴,我覺得可以keep 住做,畀番Hydro Skin 資料大家,可 以inbox 或打去問吓。

Hydro Skin 

營業時間:Mon-Fri 12:00-9:00,Sat 10:00-7:00,Sun-OFF

地址:佐敦白加士街13-15號Y-centre 12 樓全層(佐敦地鐵站C2)

電話:2736 0319

Facebook:https://facebook.com/HYdroSkinLtd/

==========

如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Beauty

染髮後,仲柔順~ 元朗Salon髮型師推介!超高質、高CP

Posted on

Yay~~ 每次染完髮,頭髮又整個回復滑溜溜啦!!

柔順易梳,唔再乾旱打結,令我個人都溫柔番啲~

你冇睇錯,係染完髮,柔順咗!朋友都知我對於揀髮型屋同髮型師極度揀擇,搬來元朗後試咗無數Salon,最後先終於揀咗Unite,而家我每次來剪髮、染髮,都順便做埋有「諾貝爾Hair Treatment」之稱嘅Tokio Inkarami Hair Treatment,自從經我髮型師阿Ron推介試過第一次之後,我就冇轉過treatment,而家已經數唔到做咗幾多次喇。佢嘅好處係焗油可以同時染髮,一次過解決褪色布甸頭同乾燥開叉嘅問題。

染髮同時護髮,頭髮好柔順!

Tokio Inkarami 呢個 HairTreatment 出名係因為佢蘊含諾貝爾得獎成份「富勒烯(C60)」,有角蛋白深層深層導入技術,可以重塑髮質,令枯旱暗啞到極點嘅頭髮恢復柔順光澤。當然,可以同時染髮亦係我咁多次都重複揀佢嘅原因,忙碌媽媽要慳時間趕住工作同湊仔㗎。

不過,今次我想個柔滑度再keep持久啲,於是狠心買埋套Tokio Inkarami Spa洗頭水、護髮素及Home Care護理!好彩佢哋冇令我失望,做完treatment 成個幾月都好似啱啱做完焗油咁滑,效果真係好驚喜!

同埋 Unite Hair Salon 呢度我覺得係元朗最靚嘅Hair Salon,質素有中環咁好, 又用Dyson風筒!不過價錢都幾ok,算係平易近人!

Salon喺千色附近,如果搵我髮型師阿Ron,可以話係凱林介紹,好似有折㗎~

小貼士:

Unite 防疫措施都做得唔錯,場內定時消毒,顧客入去前全部先探熱,再消毒雙手。我全程都戴口罩,冇唔方便,不過洗頭會有少少整濕口罩條帶,建議帶多個口罩替換啦。



想剪頭髮、染髮、電髮、焗油,分享埋預約電話給大家,可直接搵阿Ron:

HAIR ∞ RON LAM 
Whatsapp: 53137299

Unite Hair Salon
地址:元朗紅棉圍3號厚德樓6號鋪1樓全層

==========

如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Beauty

親試Kiehl’s超強新品:全效再生超級精華

Posted on

我之前開Live時曾說過,對於衰老,我覺得是自然的事,沒有甚麼難堪與介懷的;不過肌膚早期老化跡象,例如暗啞和短暫的表面肌理變化,早至18歲就出現,加上壓力令人老得更快,如不理會根本會未老先衰。其實今時今日的修護產品好用又易用,只要找對護膚品隨便往臉上搽搽,你想快點老也不是那麼輕易吧!我的目標是優雅地慢慢老去,好嗎? 

超級受矚目新產品

說到修護抗老,很久沒有新產品推出的Kiehl’s最近就新出了一款超級受矚目的新產品「全效再生超級精華」(Vital Skin-Strengthening Super Serum) ,這款super serum最大賣點是它革命性的11 kDa微玻尿酸和適應原草本複合物,不但調節出最適當的分子大小滲透肌膚,深入肌底幫助強健肌膚200%,更能幫我們肌膚對抗日常生活上引發的壓力因子,減少皮質醇偏高導至的自由基傷害,一瓶就可修復8大肌膚問題:粗糙、細紋、彈性、緊繳、暗啞、缺水、毛孔、膚色不均!用後我感覺膚質看來更健康、更年輕,簡直是「元氣肌」速成!

Kiehl’s Vital Skin-Strengthening Super Serum最令我另眼相看的是使用了適應原草本植物,包括五味子、聖羅勒和紅參萃取,主要用以治理疲倦和對付壓力,有助促進身體適應壓力因子的能力,獲古代醫學推崇。Kiehl’s發現,只需4星期,就可改善肌膚的幼滑感和飽滿感,顯著改善老化跡象。

至於革命性的11 kDa微玻尿酸,分子經科學修改結構,是最能針對性地快速深入肌膚的最合適大小,穩定性和親膚性也更強,經科研測試證實不但保濕效果超強,更能幫助鞏固最易受外來侵襲的肌膚外層,抵擋外界傷害,保護肌膚。

使用方法

質感方面,這麼強效滋潤的產品,塗上肌膚後卻是出奇地輕盈,而且肌膚吸收滲透極快,使用方法上,我認為大家既可把它視作肌底液,也可用作精華修護,於潔面及爽膚後使用,很簡單地就可以為自己速成塑造「元氣肌」啦。

當然,用後肌膚變好不能只憑我一個人的驗證,大家也可看看Kiehl’s的臨床評估58位亞洲女性使用這款Super Serum 4星期後,證實:

– 改善肌膚彈性達31%

– 減淡肌膚細紋達23%

– 改善肌膚光澤達37%

– 改善肌膚質感達30%

– 改善整體膚質達28%

產品詳情可以看這裡:https://bit.ly/2xxe6Uv

加強美白淡斑推介!

我屬於非常非常易黑的人,小時候不懂保養,每到夏天就變成黑妹,還被誤認為「外籍人士」(菲律賓籍)! 現在長大了,對於美白就有一定心得。可以告訴大家,Kiehl’s的醫學維 C 淡斑精華(Clearly Corrective Dark Spot Solution) 很好用,不妨配合super serum一起用,令亮白升級。

Kiehl’s醫學維 C 淡斑精華能有效減少色斑及色素沉殿,成份包含非常高效的活性維他命C (Activated C),不過性質卻很温和親膚,敏感肌都適用。臨床測試證實12星期就可以顯著減少色素沉澱達49%!用後膚色亮白也更均勻,色斑、印痕減淡效果很明顯,所以不單全球每8秒售出一支,也是香港2019年銷量No. 1的美白產品。

Kiehl’s全效再生超級精華

Vital Skin-Strengthening Super Serum

建議零售價:HK$495 (30ml), HK$710 (50ml)

Kiehl’s醫學維 C 淡斑精華

Clearly Corrective Dark Spot Solution

建議零售價:HK$495 (30ml), HK$710 (50ml) , HK$1,150 (100ml)
 

==========

如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。

Mrs Co:Lam 凱林家生活

Facebook:www.facebook.com/mrscolam

Instagram:www.instagram.com/mrscolam

Email: hello@mrscolam.com

Website:www.mrscolam.com

Uncategorized

救救BB濕疹皮膚 要補充天然「分子釘」

Posted on

天氣開始回暖本來係好開心,不過問題就嚟喇,Bat Bat 腿上的一小撻濕疹突然前所未有地大爆發,不但面積更大,而且「爛」嘅程度亦嚴重了。同身邊媽媽們傾計,原來大家嘅小朋友都係咁,可能天氣熱咗開始有汗,汗水中嘅鹽份就有機會令濕疹位置皮膚更乾更痕。Bat Bat 已經紅腫同損咗,仲有啲朋友話女兒起晒水泡,晚晚痕到喊,媽媽都想慘叫!

除咗快快開冷氣降溫,我都開始瘋狂地搵新系列去試,每次試用都戰戰兢兢,生怕用錯產品濕疹會更嚴重,媽媽就變千古罪人了。

搜尋咗好多資料,發現除咗不添加香料、色素、礦物油係基本,如果護膚產品含有天然Ceramide (分子釘)會對濕疹皮膚更具舒緩及修復功效!因為Ceramide係一種天然存在於體內皮膚角質層細胞間隙間嘅脂質,根據研究顯示,佢可以大大加強肌膚天然屏障嘅修復,所以濕疹肌膚好需要時刻補充Ceramide!

咁邊隻牌子有呢隻成份呢?答案係來自日本嘅AK系列,佢屬於日本護膚潔面品牌 ROSETTE露姬婷,已經有90年歷史,AK 喺日本好多診所都有得賣,專門給濕疹患者使用。

最近佢原來已登陸咗香港,真係濕疹者嘅喜訊呀,因為佢嘅分子釘有所謂嘅「屏障功能」,令皮膚表層維持健康、鎖住水分,仲可以阻擋致敏原(如塵、蟎)進入皮膚,減少一般環境污染嘅刺激。

Bat Bat 第一次用AK嘅藥用溫和潤膚霜,我已經感覺到搽上乾裂皮膚上嘅質感好唔同。好多潤膚膏都會停留喺皮膚上,白色一撻滲唔到入去。但AK 唔同,一搽上去就好似熱牛油融入麵包咁,完全滲透,仲非常非常迅速,Bat Bat肌膚即時變得滋潤柔軟!可以講係Bat Bat用過最神效嘅濕疹專用潤膚膏。

用咗幾日已經見到Bat Bat 濕疹部位有明顯改善,雖然仲有少少紅,但冇咁腫,摸落去皮膚明顯滑咗。

我好欣賞呢個系列仲有保濕乳液、化妝水、洗面皂同UV防曬霜,除咗用喺身體唔同部位,臉部肌膚都可以得到最適當嘅保護,我亦可以用埋一份。

保濕乳液質地易推順滑,我會替Bat Bat 搽全身!

化妝水質地潤而不膩,搽上面一流。

特別推介:濕疹BB適用UV防曬霜

尤其系列中嘅UV防曬霜,質地一啲都唔似普通防曬,係特別順滑,好易推開,沒有絲毫嘅黏膩感或白色殘留物,亦冇怪怪嘅防曬味,不會令皮膚變乾,用完之後,只需用洗面皂同清水就可以輕易地沖洗乾淨。

除咗天然分子釘,系列產品仲含有羅望子多糖 (保濕)、角鯊烯(防護)、橄欖油 (滋潤)。

好開心咁快幫Bat Bat 搵到有效嘅濕疹護膚系列,媽媽我亦暫時可以又鬆一口氣喇。希望各位媽媽都啱用,小朋友快啲脫離濕疹嘅煩惱!

不過,我都要提醒各位媽媽,任何護膚產品都唔係完美嘅,以下小貼士同大家分享:

1. 每個人膚質、體質唔同,所以要搵返適合自己嘅護膚品。

2. 護膚品只係其中一環,並唔係萬能,記住留意環境嘅溫度、濕度、污染物。

3. 留意小朋友嘅飲食、衣物,甚至係洗衫嘅清潔劑,呢D都可能係刺激濕疹嘅致敏源。

4. 為防小朋友痕癢R損,記得定期幫佢哋剪指甲呀。

5. 類固醇可能令濕疹皮膚愈來愈差,如醫生處方亦要謹慎查詢是否真的要用?有需要時可問多幾位醫生意見。

多買多減!$20優惠碼 

現憑coupon code,每買一樣產品就可以減$20。 (例如:一件產品 $20,兩件產品減$40,如此類推),名額非常有限,用完即止,所以要快用呀!

購買網站:https://www.akceramide.com.hk
優惠碼:4k9bp6sz

==========

如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。

Mrs Co:Lam 凱林家生活

Facebook:www.facebook.com/mrscolam

Instagram:www.instagram.com/mrscolam

Email: hello@mrscolam.com

Website:www.mrscolam.com

Uncategorized

BB家居:實試!蒸氣消毒最安全

Posted on

近來每日最大願望,就係疫情快點過去!呢段時期,家居消毒好重要,不過每日用咁多化學消毒,唔只有啲會刺鼻難聞,我相信長時間吸入人體都唔好。

記得以前我每次用漂白水等清潔家居,都會安排Bat Bat 不在家時進行,但現時同小朋友日日困獸鬥,就好難避免佢吸入化學成份。所以媽媽諗到個安全無害嘅消毒方法:蒸氣消毒機!

好用而性價比高嘅Deerma ZQ600,用咗一星期,的確係好值得推介。點解?可以睇睇我嘅用後感:

1. 蒸氣去污,不需使用化學清潔劑,咁就100%全無化學殘留,媽媽我安心好多!

2. 高溫蒸氣消毒有效殺滅99.99%細菌,包括大腸桿菌、金黃葡萄球菌等… 

3. 五款設計配件,清潔不同表面,可以清潔嘅地方包括:地板、布藝沙發、窗簾、毛公仔、床單、外套、書包、玻璃窗、爐頭、抽油煙機,甚至廁所板!

4. 噴出蒸氣達 3 bar 高壓,輕易深入深層縫隙、布質纖維內層,唔只消毒殺菌,仲可以去污辟味。

5. 20秒就熱,唔駛等好耐㗎。

6. 分離式水箱,加水好方便!

7. 仲好細心地內置香薰盒,拖地時可以加添香氣~ 

而家我日日用佢嚟拖地,尤其高危嘅門口玄關走廊,更加唔拖唔安樂!因為係用蒸氣,高溫消毒後,地板乾淨衛生又一定冇化學殘留,Bat Bat 立即喺地上玩玩具都唔驚。 

最愛!掛燙熨頭~

換咗掛燙熨頭之後,就可以熨布藝沙發!Bat Bat 啲書包仔、毛公仔,都可以照熨。

其他配件:

跟機有兩塊拖布,方便替換。

玻璃刮板配刮條。

配合毛刷連接頭,好似鮑魚刷咁硬淨,邊噴蒸氣邊刷洗,深度清潔每個縫隙,衛生黑點例如廁所喉管就靠佢!

百潔布磚塊擦頭,配合高溫蒸氣,非常好用!用來刷洗及溶解爐具、抽油煙機上嘅陳年油垢超容易,不費吹灰之力就搞掂!

Deerma 5合1蒸氣消毒清潔機 ZQ600

額定電壓:220V~50Hz

額定功率:1700W

水箱容量:230ml

加熱時間:20s

運作時間:11 min (加滿水之情況下)

電源線長:4m

產品尺寸:389*85*180mm(主機尺寸)

產品淨重:2.7kg

產品材質:ABS/PC

建議零售價:HK$899

保用期:一年自提保用服務

==========

如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。

Mrs Co:Lam 凱林家生活

Facebook:www.facebook.com/mrscolam

Instagram:www.instagram.com/mrscolam

Email: hello@mrscolam.com

Website:www.mrscolam.com

Uncategorized

空瓶分享:我專屬的IPSA 皇牌ME乳液

Posted on

根據我皮膚分析結果而特別為我而設的護膚品,功效果然好得沒話說!終於用完我的第一支IPSA 皇牌ME乳液,感覺肌膚被治癒了,本來易出油又易乾燥繃緊的皮膚,現在得到真正的重整修復,容易出油的問題已解決,而且整張臉都感到更水潤透亮 (不再是油亮了yeah!!)

這麼好用,一定要繼續用,要多兩支please!加上空瓶一起拍張合照吧~ 找到可以無懸念立即encore的護膚品實在是太高興。

其實IPSA這支第八代皇牌METABOLIZER (ME) 更生活化乳液,是經1000萬人皮膚診斷成果研發出來的,總共提供多達17種最貼近亞洲膚質的ME配方。只需要到IPSA專櫃或分店,他們就會有專人為你做IPSALYZER皮膚分析,幫你找出肌膚的真正需要,從而配對最適合的護膚方案。

我這瓶是更生活化緊緻乳液ME Superior W (4種配方/ HK$ 680 / 175ml )

W3適合油性但缺水的肌膚,主要成分包括:

高效活性酵母精華EX:促進膠原生長

海洋活化精華EX:抑制抗代謝酶的活躍,維持有規律的新陳代謝及美肌代謝循環

專利美白成分4MSK:抑制黑色素形成

黑兒茶:修復肌膚彈性,回復水潤

看似牛奶瓶的ME,泵出來也有點像牛奶,而且我覺得好像是給肌膚「喝」的牛奶一樣,給予豐富養份,令皮膚白滑有光澤彈性。更厲害的是作出的改變不是短期的,而是從根本地去維持肌膚細胞細胞穩定的代謝節奏,令肌膚回復健康,自然就會出現細緻紋理、水潤亮澤。

用法很簡單,只需每日早晚各3泵份量,再配合IPSA 用頂級蠶絲特製的真絲化妝棉,輕抹肌膚,甚至用來敷臉5-10分鐘,讓護膚成分均勻細緻地滲透肌膚深層,約一星期左右我已發現肌膚出油問題明顯放善,而且好嫩滑!妝後一整天也不會再油光滿面。

為了讓我的ME發揮最快最強效用,其實我都配合了一直都在使用的IPSA皇牌系列「流金水」TTR Aqua生肌水源素及「Serum 0」緊緻淨肌排毒精華一起用。

供大家參考一下我的使用步驟:

Serum 0 > 流金水 > ME

因為Serum 0緊緻淨肌排毒精華(HK$700/50ml)配方有嶄新 0 Complex 排毒複合物,可以幫助肌底排毒去腫,不但可重塑緊緻輪廓,也可令後續的護膚品更容易吸收,所以是程序中的第一步。

之後就可以使用流金水 (HK$320/200ml),將1000兆超微細補濕分子瞬間滲透導入至肌底!這個過程可以令觸發肌膚自我造水、鎖水,當肌膚細胞充滿水份變得活躍後,自然就令我之後使用的ME更生活化乳液發揮到最強最快的效果了。

網上購物禮遇

就算足不出戶,想買IPSA都好方便!為配合更多不同的顧客所需及更方便快捷地為大家製定個人專屬的Beauty Recipe,IPSA推出首個官方網上購物平台,在IPSA eShop購物更可享受不少獨家網上限時及限定購物禮遇!

IPSA eShop網址: https://bit.ly/2xe3I3y

了解更多IPSA產品可瀏覽以下網址:

IPSA 流金水TTR Aqua W 生肌水源素: https://bit.ly/2W8KvdP

IPSA Serum 0 緊緻淨肌排毒精華: https://bit.ly/32Vdi6a

IPSA ME皇牌ME乳液: https://bit.ly/2IIIYDp

==========

如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。

Mrs Co:Lam 凱林家生活

Facebook:www.facebook.com/mrscolam

Instagram:www.instagram.com/mrscolam

Email: hello@mrscolam.com

Website:www.mrscolam.com

Lifestyle

停課在家?爸爸自製「創意白板枱」玩學!

Posted on

疫症唔係好事,但小朋友停課、家長home office的確造就多咗親子時間,除咗「時數」,我都想花多啲心思營造 「質素」,令隻小怪獸開心又學到嘢,停課不停學!呢張「創意白板枱」就係我最近嘅「新發明」。


畫公仔 x 講故事 x 互動遊戲 x 活動教學,超好玩!我同Bat Bat 會一邊講故事,一邊畫出故事場景,例如森林、池塘、草地….. 佢最鍾意就係畫消防車救火,救完就即刻擦走啲火,好搞笑!

當然我仲會把握機會教佢畫唔同顏色嘅形狀,暫時佢識畫嘅係三角形,同埋想畫圓形但變咗橢圓形,但佢又好識「執生」話呢個係溜冰場,哈哈~

Send咗幾張相去朋友whatsapp group,個個都問我呢張「創意白板枱」喺邊度買?因為幼兒嚟講,畫枱面係好過吊高隻手畫牆嘅!

其實係好簡單嘅DIY咋,只需買張 3M 多用途白板貼,一展一撕一貼,Bat Bat原本張枱就立即大變身,無需技巧,裁剪成唔同形狀都冇難度,過程唔使10分鐘,佢貼喺玻璃、油漆牆、油漆鋼面、油漆木面、舊白板、舊黑板等都OK。白板貼有唔同尺寸,我哋呢張係3 x 2 呎白板貼,剩下嘅仲可以裁剪成不同形狀貼喺雪櫃門用!

爸爸DIY示範

一卷開出來是這樣的。


撕出底面塊膠膜。


貼上你想貼嘅表面,再用附送嘅毛巾掃平表面。

界走多出來嘅部份,記得保留番貼其他地方 。

用界刀再沿桌邊修飾一下形狀,好簡單的。

唔使10分鐘完成喇!

想知更多詳情:http://bit.ly/2SCTbpB

各大文具供應商、書局、文具店、百貨公司文具就買到啦!

HKTVmall https://bit.ly/2SXRDrx

==========

如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。

Mrs Co:Lam 凱林家生活

Facebook:www.facebook.com/mrscolam

Instagram:www.instagram.com/mrscolam

Email: hello@mrscolam.com

Website:www.mrscolam.com