Beauty

元朗Salon推介|好開心搵到好好嘅髮型師/髮型屋

Posted on

我想講… 我好鍾意我嘅新髮型!疫情期間我其實真係疏於打扮咗,但臨近年尾點都要執靚番少少過新年,多謝我嘅髮型師Ron 永遠都可以喺限時幾個鐘之內令我喺髮型屋中重生,靚番、sharp番咁過新年,髮型唔同,心情都唔同啲,thank you~~ 希望新一年大家都愈來愈好,開開心心!

記得初時搬來元朗,試過好多間元朗髮型屋,可惜間間Salon都唔合我心意,本來諗緊唔通要出返中環剪頭髮?好彩試咗N間之後誤打誤撞最後搵到Ron先冇再轉過髮型師,所以呢幾年我已經介紹咗俾好多住元朗嘅朋友!Ron次次都幫我諗到啱我嘅hairstyle,雖然我每次都唔想有大轉變,但佢就可以喺當中幫我加入新鮮感同跟番個hair trend適當地漂頭、染髮,所以我次次 #小改造 都好滿意。

最神奇係每次漂染highlight後髮質仲好過之前,因為佢會幫我同一時間做染髮+焗油,非常慳時間之餘,treatment後仲會即刻令髮質回復油順有光澤,有啲人叫呢個做 #諾貝爾 hair treatment,因為呢個日本Tokio Inkarami hair treatment 嚴重受損髮質都好適合,有諾貝爾得獎成份「富勒希(C60)」,效果好顯著仲keep到好耐,所以自從做咗一次之後我次次染髮都會做埋呢個treatment,真係返唔到轉頭。

元朗Salon 質素真係好參差,如果各位元朗嘅朋友都搵緊適合嘅元朗Salon, 我就非常推介去iForward Salon 搵阿Ron。間Salon全層3000呎,啱啱裝修完又大又靚,裏面仲有個corner裝修到成間cafe咁,好有日系文青feel。Salon喺元朗嘉城廣場隔籬轉角位,招牌係「IFW」都應該幾易搵到。

元朗 iForward Salon (IFW)

地址:元朗教育路21-23號英暢大廈1樓全層 (即係嘉城廣場旁邊惠康樓上)

地圖:https://goo.gl/maps/5btu7nEy7mQj7jfU6

提提大家必須先預約,以下係我髮型師WhatsApp:

Ron Lam  53137299 (逢星期一休息)

*可以話凱林家介紹,應該會有折呀

元朗髮型屋推介:IFW Salon (入口在惠康及地產舖中間嘅樓梯,行上一層就到喇)

#元朗髮型屋 #元朗salon #漂頭 #染髮 #焗油 #HairTreatment 

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Lifestyle

童裝穿搭|小男孩的冬季穿搭分享

Posted on

Yeah~~ 我哋開始X’mas shopping 喇!Bat Bat 大個仔,可以同我一齊行街買衫,仲開始對自己嘅穿搭風格有啲要求,大家一齊睇吓Bat Bat呢個【小男孩穿搭日誌】啦~

今次去Balabala 我哋襯咗好幾套靚衫,我發現Bat Bat鍾意嘅款式同爸爸仲好似㖭!唔怪得爸爸全程咁有心機同佢一齊睇衫、襯衫啦。

我自己都一直好鍾意Balabala童裝嘅設計,質素又好,今季冬季新款同聖誕系列都好靚,男童裝型仔得嚟又加入童趣元素,可以玩好多唔同穿搭風格。

1 韓系休閒風格

大膽鮮艷顏色配合黑白插畫圖案鬆身衛衣,突顯休閒感又帶點型格玩味,下身湛藍色牛仔褲上有英文字點綴,簡單得來不失特色,最後記得襯埋Cap 帽,整體時尚感立即level up,變身韓系潮童。去行街街或者一般去朋友家玩都好適合。

2 美式運動風格

呢套100% 係Bat Bat自己襯,完全反映佢平時最鍾意嘅顏色同風格,重點係全套oversize自由拼配嘅運動裝,勁舒服又型格!呢件紅藍白半拉鍊上衣佢一見到就愛上,裡面著短袖衫打底,玩到熱可以隨時脫掉外衣!佢選襯百搭黑色運動褲,基本上係weekend 去公園玩跑跑跳跳或者去溜冰嘅指定穿搭吧!

3 歐美Smart Casual

不想太隨便,又不想太隆重,冬天想小男生要smart casual 其實只需選啱一件鬆身圖案毛衣,搭配深色牛仔褲就可以!呢件毛衣用咗男孩子們最愛嘅恐龍漫畫元素,配合鮮艷撞色領口及衣擺,帶出充滿chic style嘅歐美風格。

4 聖誕節日主題

呢個係最難嘅,好似Bat Bat呢啲就嚟六歲嘅小男孩,就算去聖誕party都唔想成身紅噹噹。好Balabala呢件聖誕主題冷衫設計就剛好,用深藍色作主調,配合聖誕圖案及少量紅色幾何點綴,充滿聖誕feel又不失時尚感。下身襯摺腳牛仔褲,增加型格細節,整個聖誕look 立即充滿層次(同埋下年放番褲腳都啱著,媽媽係咪好精明呢~)

天氣凍,外套方面其實可以好百搭,想casual 啲可以選擇配搭呢件紅黑拼色棉褸,係咪成個好sharp 醒?

另外,想特別介紹呢對Balabala運動鞋,Bat Bat 超級喜歡,唔使綁帶,穿上後「擰」個圓扣收緊對鞋就得㗎喇,好方便!

同場加映:女童裝太靚喇

其實女童裝都好靚,睇吓~ 不過我冇女,唯有買吓啲Balabala啲小女孩聖誕首飾box set做聖誕禮物啦~~ 我係大人見到都覺得好吸引,小女孩們收到實好開心。

Balabala本身都價錢都幾親民,而家佢哋仲有好幾個系列有減價優惠,非常非常抵買!

Balabala

網店: https://www.balabala.com.hk

分店:https://www.balabala.com.hk/pages/our-store

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Beauty

Kiehl’s 節日限量版2022閃亮登場

Posted on

大家覺唔覺~ 周圍嘅聖誕氣氛開始滲緊出嚟啦!每年我都好期待嘅Kiehl’s聖誕限量版都推出咗!我用開嘅金盞花植物精華爽膚水戴咗 #聖誕帽,真係好可愛好搞笑!

呢支多效嘅治癒系 #肌膚涼茶 ,一年四季都啱用,尤其秋冬轉季呢啲天氣,好易多咗粉刺暗粒、敏感泛紅嘅問題,用佢就可以幫我哋急救敏感嘅轉季肌,有效即時️紓緩保濕、減褪敏感泛紅、調理粉刺痘印、平衡水油。配方溫和無酒精,就算敏感同暗瘡性肌膚都用得。

今個聖誕 Kiehl’s 聯乘人氣動畫工作室 Made by Radio ,為品牌六款最受歡迎嘅護膚產品配上獨特奇趣嘅 3D 立體畫風,包括好受歡迎嘅 #醫學維C淡斑精華 、#特效保濕乳霜  、#金盞花爽膚水 、#極緻塑顏全效乳霜#亞瑪遜白泥毛孔深層清潔面膜 ,全部都好型好靚,一定閃爆每個 gathering! 

 Kiehl’s 聖誕節購物禮遇 

– 凡購買節日限量版金盞花植物精華爽膚水,即可額外獲贈得意又可愛嘅節日限量版瓶蓋

– 滿 HK$1,080,即可獲贈 Made by Radio 限量版化妝袋乙個及旅行試用裝 6 件(價值HK$421)

– 滿 HK$1,380,即可獲贈 Made by Radio 限量版化妝袋乙個及旅行試用裝 9 件(價值 HK$645)

– 滿 HK$1,800,即可獲贈 Made by Radio 限量版環保袋乙個及旅行試用裝 14 件(價值 HK$993)

去Kiehl’s官網了解更多: https://bit.ly/3UCVTtH

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Kiehl’s #KiehlsHoliday2022 #KiehlsLimitedEdition #HolidayGifts #christmasgifts #xmasgift #Kiehls #KiehlsHK #金盞花治癒 #金盞花 #Calendula #CalendulaHeal

Beauty

Kiehl’s 朝C暮A組合 全方位美白淡斑抗皺

Posted on

又想淡紋抗皺,又想美白去斑,咁應該用維他命 C 定A?

其實護膚專家教路,最佳使用方法係 #朝C暮A 。 Kiehl’s 皇牌淡紋去斑組合 C + A 精準 Duet,呢個真係最完美嘅組合,啱晒應付依家入秋轉天氣開始湧現嘅細紋,同埋經歷咗夏日猛烈紫外線蹂躪,黑黃起斑嘅肌膚!

朝C暮A = 日夜抗皺淡斑

日間使用安白精華

用蘊含活性維他命 C 嘅精華輕輕按摩肌膚, 5D 科研安白淡斑科技,有效5重對抗黑色素,祛印祛紅,有效減淡色斑、褪印、均淨、提亮、去黃 ,最重要係可以阻止黑色素沉殿,預防色斑再生。只需3日肌膚就恢復透亮淨徹^ 我用完都覺得膚色顯著變得更透亮、更光滑及更均勻。皮膚有光澤,成個樣都精神好多。

夜間使用精準A精華

Pure retino 純正 A 醇經調配成黃金比例,醫學級成分 配合突破性微精準技術,7 天淡紋收毛孔,全部膚質都啱用。

一早一晚, 24 小時抗氧再生 都係靠呢個皇牌組合。

限定禮遇

即日起喺Kiehl’s購物滿指定金額,當中包括任何一件醫學維C淡斑精華或醫學淡紋緊緻再生精華,仲送玉石按摩棒及刮痧組合,加強緊緻、修護、排毒、去水腫,效果唔只Double UP!

全面擊退 >眼紋頸紋 >抬頭紋 >黑眼圈 >水腫,擁有緊緻 V 面效果!

立即入手: https://bit.ly/3Ss9YJC

使用小貼士

日間: 安白精華 + 玉石按摩棒

消除水腫及加強後續護膚成份吸收

夜間: 精準A精華 + 刮痧

為肌膚排毒、緊緻及提拉

使用前:將玉石按摩棒同刮痧放入雪櫃冷藏2-3小時,按摩時可以有助鎮靜同埋消除水腫

 使用後:用濕布抹淨,千祈唔好用熱水浸或用酒精抹呀

^ 50 位亞洲女性使用醫學維C淡斑精華 3 天後之臨床評估

Kiehl’s

#5D科研 #一瓶見效 #ClearlyCorrective #RetinolForAll #AntiAging #Kiehls #KiehlsHK

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Lifestyle

召集!LEGO旋風忍者訓練營

Posted on

今個夏天,需要大量有冷氣嘅室內活動。尖沙咀 LEGOLAND 樂高探索中心 #旋風忍者訓練營 就啱晒親子放電,鍾意忍者、鍾意Ninjago嘅小朋友一定唔可以錯過~~ 

我哋平日下午入場,玩咗差唔多5小時!人流雖然唔少但都唔會迫,輕鬆玩到各樣活動。Bat Bat 由入場興奮到離場,因為一入場工作人員就拎出唔同顏色嘅忍者頭帶俾小朋友揀,我幫Bat Bat 戴上後,佢已經立即忍者上身喇。

入到LEGOLAND立即進行「忍者特訓」,執行胡大師嘅5項考驗,成功完成習得五個關鍵美德——勇氣、平衡、誠實、慷慨、好奇心,小朋友唔只可以拯救LEGO旋轉忍者世界,仲可以拎到忍者畢業狀同多一條畢業頭帶㖭啊。 Bat Bat 而家日日都要戴住條忍者頭帶出街,好搞笑。


五大忍者訓練 

1 勇氣—— 於地震模擬測試區,以樂高積木拼砌一座不少於十層高的城牆,若它能抵禦強烈地震超過 15 秒就能通過旋風忍者戰鬥團隊領袖之一——赤地的試煉。


2 平衡——小忍者需要於召集處枱上擺放適當的樂高積木令天秤平衡,以完成土元素大師——阿剛的挑戰。
3 誠實——承諾成為誠懇的忍者,擁有真誠之心為誠實最重要一環,到召集處簽訂承諾書,向閃電忍者阿光立志成為一名懇切真誠的勇者。


4 慷慨——給胡大師一份獨一無二的樂高禮物,要成為旋風忍者,必須像首位機械忍者——冰忍一樣慷慨好施。來到鐘樓前,拼砌一個獨一無二的樂高忍者報答胡大師的訓練之恩。


5 好奇心——召集六位旋風忍者® 六位旋風忍者®——阿剛、赤地、赤蘭、勞埃德、冰忍與阿光正匿身於迷你天地嘅角落,小忍者需要把他們全都找出來並用手機拍下他們的匿藏之處,便能通過赤蘭的好奇心考驗。

第5項要喺眾多LEGO模型中搵出6位忍者真係唔易,分分鐘搵唔晒,建議大人小朋友多人組隊合作,團結完成挑戰!

凱林家IG 有一個提示影片(有雷!!):http://www.instagram.com/mrscolam


除咗忍者挑戰之外,場內新項目仲有Ninjago  4D 影院劇場,LEGO creative workshop同埋DOTS工作車,小朋友用DOTS設計作品上載至FB/ IG 加上 #youdotyou 標籤,即可得到DOTS 手帶一條,好靚㗎。

適逢LEGO成立90周年,購票處仲有90周年展覽,彌敦道街景切得好靚好精緻,記得去欣賞打卡啦~ 

限時套票:樂高旋風忍者夏日之旅 
由即日起至 2022年9月30日,到香港樂高探索中心官方網站購買限時忍者訓練營套票,即可與小朋友一同投入非一般忍者體驗(數量有限,售完即止)。
忍者套票包括:
1. 入場門票2張
2. VIP 數碼照通行證乙張
3. 指定 Pick-a-Brick 款式2細杯以及忍者頭帶乙條
4. 憑 VIP 數碼照通行證到位於入口處和古堡歷險區的攝影區,與一眾樂高旋風忍者合影

預訂套票:https://bit.ly/3czTT4l

#LEGOLANDDiscoveryCentreHK #香港樂高探索中心 #旋風忍者 #旋風忍者訓練營 #NINJAGOtrainingcamp #ninjagohk

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Lifestyle

浴室升級大作戰 (下集):超滿意Before & After心得分享

Posted on

其實我哋上個月已經完成咗【浴室大翻身】,不過最近太忙,#說好的變身前後 到依家先有時間同大家分享吓Before& After及產品使用心得,等大家以後裝修時都可以參考一下。

首先,我想講我真係好滿意呀!!!之前提到我哋間屋其實已經住咗10年,浴室望落都有啲殘舊,但原來只要換過晒成套浴室花灑同水龍頭,仲有洗手盆水龍頭,成個feel已經立即升級!!!

上集分享請睇返呢度:https://bit.ly/3GlMZdR

浴室花灑及水龍頭

今次我哋揀嘅係GROHE SmartActive手持花灑套裝 + 恆溫浴缸龍頭,呢個德國品牌本身已經代表高品質、耐用、耐看!

可能大家去旅行或者staycation都去過唔少酒店,有冇發現原來好多五星級酒店都採用緊GROHE嘅浴室設備?連我老公嘅室內設計師朋友,都大讚GROHE嘅衛浴產品普遍質素較高,所以一直係高級酒店嘅首選。

一套衛浴設備閒閒哋都用10年8年,梗係要揀好啲。今次揀嘅呢套手持花灑+水龍頭套裝,我哋用咗一排真係覺得好舒服,完全係酒店級享受。

– 設有恆溫系統,沖涼嘅時水溫非常穩定,唔會因為水流或水壓而令水溫忽冷忽熱,除咗沖得舒服亦減少燙傷嘅機會 (同我哋之前用嘅花灑完全唔同感覺,估唔到喺同一個浴室,只要用唔同嘅花灑,分別就可以有咁大,早知早啲換…)

– 瀑布式水流,柔和又沖得乾淨

– 防燙38°C 安全鎖

– 慳水設計,約減少50%用水量

換咗GROHE嘅第一日,已經覺得沖涼嘅體驗完全唔同晒,猶如升級至五星級酒店。其實以前我哋都買過幾款「慳水花灑」,但因為水壓問題完全控制唔到水溫,變相沖涼嘅時間耐咗,用水量自然都多咗。依加用緊GROHE嘅花灑套裝,用水量比以前更少更可以慳到水,但佢嘅恆溫系統依然做得好好,可以輕鬆調較水溫。

另外,我地舊果個花灑桿比較短身,今次換左一支比較長身D嘅花灑桿,fit到大人小朋友嘅高度之餘,配合埋面積大D嘅花灑頭,較高花灑頭仲可以好似酒店常用嘅置頂花灑咁,享受五星級嘅沖涼體驗架!

浴室升級大作戰 BEFORE >>> AFTER 

相信各位媽媽都明白,平時幫小朋友沖涼最怕就係水溫忽冷忽熱,唔單只容易攝親,如果水溫突然變熱,仲有機會燙傷小朋友幼嫩嘅肌膚!!

GROHE嘅花灑套裝就正正幫大家解決咗呢個煩惱,以後幫小朋友沖涼就方便同放心好多啦。而我哋大人平時放工返到屋企已經好攰,但因為佢嘅水溫容易調校,依加好快手就可以沖完涼休息,聽落好似好小事,但有試過因為水溫忽冷忽熱而遲遲都沖唔到涼嘅人就知道,一個恆溫浴缸龍頭係有幾重!比較之下,依家沖涼真係方便又好relax。

洗面盆水龍頭

我哋浴室仲揀咗GROHE Lineare 高身洗面盆龍頭:

– 設計為矩形手柄同出水口,外形簡約大方,相信同大部份現代浴室嘅獨立式面盆都可以完美搭配,成個浴室望落更乾淨利落

– EcoJoy節水技術,令水量及水溫控制得更精準,大大減少用水,非常環保,最重要係慳好多水費

– GROHE StarLight技術令龍頭表面更耐用,好多人都話即使用咗好多年,個龍頭都依然光亮如新

講到呢個面盤水龍頭採用嘅特有塗層,我暫時用咗一個月,覺得佢比之前嘅水龍頭更容易清潔,只需要用乾布抹就得,抹完即刻好似新嘅一樣。同埋佢出水量雖然感覺同之前差唔多,但就好柔和,啲水花唔會彈到周圍都係。

寫咗咁多,希望幫到大家。因為揀一個合適嘅花灑真係好重要,始終係全家人日日都會用到嘅產品,而且通常花灑唔壞都唔會特登換,所謂「貴買平用」呢個道理真係冇講錯㗎!

整體來講,我會話GROHE嘅產品價錢雖然唔算平,但就真係值,一分錢一分貨!好用加襟用,而且浴室變靚咗,一家人沖涼又沖得舒服啲,點都係值得嘅。

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Lifestyle

最啱BB家庭嘅水機 FRECIOUS Fuji富士山天然水

Posted on

終於遇上細小纖巧、有設計感嘅靚靚水機喇!呢部FRECIOUS Fuji 日本富士山天然水機,係咪好的骰、設計好時尚好靚呢?只要屋企有大約A4 size嘅空間就可以放到呢部ORE喇,仲有另一部座地款SLAT都好靚好纖巧!不過揀佢當然唔係只係睇外表啦,健康係無價寶,水質都好重要㗎!

好多媽媽自從有咗小朋友之後,屋企都一定會裝設濾水器,但其實再進一步,從「水源」做起就更好!Frecious Fuji係天然嘅富士山地下水,水源採自日本富士山1,000米海拔高地,完全不受任何污染,天然純淨,當中更蘊含富士山玄武岩層嘅珍貴礦物「釩」,有益健康。水中嘅鈣、鎂等礦物質比例好均衡,而且檢測亦證實致癌物質硝酸態氮、亞硝酸態氮嘅含量近乎為零,同時已安全通過放射性物質檢查,絕對可安心飲用。

睇番資料仲會發現,FRECIOUS Fuji嘅採水工廠係第一個獲得食品安全管理系統國際標準「FSSC22000」認證嘅飲水機專業生產商,呢個認證申請難度極高,可以話係最嚴謹嘅安全證明!

一般蒸餾水一定唔會有富士山水嘅礦物健康元素啦,而且味道方面亦都差好遠!FRECIOUS Fuji 富士山水唔會有陣「蒸餾水味」,而係甘甜溫和嘅山水。因為佢係屬於「軟水」(硬度為24),用嚟煮飯、煲湯、沖咖啡、沖茶都特別美味。

沖奶嬰幼兒放心飲用

對有BB嘅家庭來講,最重要一定係FRECIOUS Fuji 嘅水係可以用來沖奶,嬰幼兒都可以放心飲用。

各位爸媽都應該知道,一般蒸餾水因為缺少礦物質同人體必需微量元素,並不適合嬰幼兒長期飲用,更可能會影響BB生長。而FRECIOUS Fuji 富士山水就唔同喇,經檢定適合用來沖泡奶粉、製作嬰兒副食,母乳媽媽亦可以放心飲用。

水機除咗按個掣就有冷水、熱水之外,我仲好鍾意佢係有常溫水選擇。機身有兩粒掣係「環保模式」,「COLD ECO」嘅預設溫度係17℃,平時好方便,直接幫Bat Bat 裝水樽帶返學就得。媽媽們亦可以選擇「HOT ECO」嘅常溫水幫BB沖奶粉(預設溫度70℃),唔使熱水溝凍水,勁方便。

我放咗部水機喺廳,全家都立即飲多咗水,尤其爸爸咁多年來成日唔飲水,我仲以為佢唔鍾意飲水,點知部機來到嘅第一日,就見佢一晚飲咗5、6杯水!我仲問佢啲水真係咁好飲咩?佢話:「方便就手呀嘛!」

FRECIOUS Fuji優惠  訂購即減HK$200

由日本直送到家嘅富士山天然水,價錢亦冇想像中咁貴,平均約HK$6.45 / 500ml,用APP就可以訂水好方便咋。

想試嘅朋友可以到FRECIOUS Fuji 網站選購適合自己嘅計劃:

FRECIOUS Fuji 網站: https://bit.ly/3w1DcF4

購買時輸入邀請碼:【DP010】即減HK$200!

Facebook: FRECIOUS Fuji
Instagram: frecious_fuji_hk

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Uncategorized

Crystal Tomato美白效果超驚喜  最難搞嘅黃褐斑都減淡!

Posted on

最近停課「放暑假」後,湊仔再忙上加忙,好耐冇化過妝,好耐冇扮過靚喇!長時間宅在家中,有一日照鏡差啲俾自己嚇親,素顏面黃黃嘅樣,非常顯老,除咗要勤力啲護膚,真係要加強美白先得。

除咗用防曬、美白面霜,加埋每日食一粒Crystal Tomato®️美白丸,內服外用,好快就白咗好多!雙管齊下嘅美簡成效特別顯著,見到自己皮膚咁快就白咗幾級,非常驚喜!

其實之前我一直都有留意美白丸,始終見功效咁快,點都一定會心動,但我係保守派,要食落肚,梗係要check清楚有冇副作用啦。

最後令我揀Crystal Tomato®️美白丸,主要有以下幾個原因證實佢真係信得過:

1. 佢由新加坡國立皮膚研究中心研發及驗證,保證每個生產步驟安全可靠;亦有國際權威認證,包括美國FDA﹑澳洲衛生局 (TGA)﹑日本JHM 保健月刊、色斑失調期刊及MIMS等,極有信譽。

2. 身邊有朋友食過,全部美白效果好好,安全冇副作用,仲有好多醫美中心同皮膚科醫生都有推薦Crystal Tomato®️。

3. Crystal Tomato®️美白丸經臨床試驗證明係有效嘅皮膚美白補充劑,只需要56天,就可以見到顯著改善。

4. 100%純天然成分,採用非基因改造水晶蕃茄,天然安全,含有相當於普通蕃茄 300 倍嘅罕見無色類胡蘿蔔素。根據官方數據顯示,即使一天內服用5,000粒Crystal Tomato,亦不會引起任何副作用!不過當然我哋跟份量食1日1粒就得啦。

Crystal Tomato®️ 有咩主要成份?

100%天然成份,萃取自以色列「水晶蕃茄」,係一種極難研製嘅天然成分,由以色列科學家精心培育10多年,並經法國化妝品科學家深入研究,最終由美國紐約經 FDA 批准,經實驗室配製而成。產品採取「最高生物利用度」祛除黃褐斑同色素沉積,可以直達肌底,將功效強大嘅抗氧化成分輸送至肌膚,連最難解決嘅黃褐斑都可以淡化,輕鬆速效幫我哋打造徹底淨白透亮肌膚。

8星期顯著減淡頑固色斑!

好多媽媽生完小朋友之後都會多咗色斑嘅問題,呢個時候Crystal Tomato®️ 就好幫到手。Crystal Tomato®️ 獲醫學臨床實證功效,8週顯著減淡頑固色斑, 最重要係佢連生左BB出嘅黃褐斑同暗斑呢啲最難擊退嘅斑都可以幫手解決,非常難得。

好似我咁,雖然好彩冇乜色斑嘅問題,但面黃暗啞呢樣嘢其實都好困擾,食咗Crystal Tomato®️ 美白丸,就可以幫助高度抗氧化、袪黃,有效抑制黑色素形成,同時提亮均勻膚色、改善膚質。

我食咗Crystal Tomato®️ 美白丸一個月,效果已經好明顯,除咗膚色更白,仲有透亮光澤嘅效果,膚質感覺都更水嫩,靚咗好多!而家喺屋企素顏照鏡都自信返晒嚟,唔止唔會嚇親,仲想照耐啲㖭。以後可能出街都唔使點化妝,戴住口罩就唔會咁易阻塞毛孔,焗到出晒粒粒啦。

除咗美白丸,最好配合Crystal Tomato®️袪斑霜、防曬霜使用,由內到外擊退黑色素。

Crystal Tomato®️防曬霜 

佢係一支物理 + 化學 雙防曬(SPF 75 + 、PPD 17+ 、PA++++),可以有效預防54%藍光、90%紫外線、紅外線和環境污染對肌膚造成的傷害,所以唔止出街要用,喺屋企成日煲劇、用手機,對着電子屏幕,用佢防藍光損害肌膚就最好。我好鍾意佢質地輕盈清爽,搽咗一啲都唔笠,有補水保濕滋潤效果,用完非常舒服。

Crystal Tomato®️袪斑霜

我主要問題係口罩肌帶來嘅暗瘡印,尤其嘴邊及下巴比較嚴重,所以用呢支袪斑霜重點加強針對呢啲部位嘅頑固色素問題!用咗一個月發現效果已經好好,可以速效淡化暗瘡粉刺嘅印痕,以前幾個月先散嘅印真係好討厭,而家好快就唔見晒啲印,開心晒。另外值得一提係,佢用後唔會令皮膚乾燥痕癢,因為係全天然成份,所以基本上適合任何類型肌膚使用㗎。

購買時用我嘅專屬優惠碼【CT95COLAM】,即有95折優惠!

立即到Crystal Tomato®️官方授權網店: https://lessismall.com

一盒有30粒,可以食一個月。食用方法好簡單,每日食一粒,幾時食都可以,可以飯前或者飯後食,不過建議每日都同一時間服用,例如你一開始係揀上午服用,接落嚟都係每日上午食就啱啦。

Crystal Tomato®️ 美白丸係無添加防腐劑嘅,佢採用防氧化包裝以隔絕高濃度水晶蕃茄粉末同空氣接觸,所以無添加防腐劑嘅情況下都可以保持品質。

如果有任何關於產品查詢,仲可以隨時WhatsApp 客服專員:9889 5997

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Beauty

Kiehl’sxJer@Mirror慈善限量版特效保濕乳霜

Posted on

情人節禮物係Kiehl’s x Jer@Mirror 嘅慈善限量版 #特效保濕乳霜 呀!

Kiehl’s 今次真係太正喇,竟然準備咗Anson Kong 江熚生同Jer Lau 柳應廷嘅專屬UIltra Facial Cream 特效保濕乳霜陪大家甜蜜過情人節,有佢哋陪住一齊保濕, 一定唔會dry,仲可以有效強韌肌膚屏障,保持肌膚水潤彈嫩!

今次AK同阿JER 同Kiehl’s合作嘅慈善企劃。為EcoDrive Hong Kong籌款20萬,無論係以Kiehl’s #忠實用家#鏡粉#生粉#柳柳粉 嘅身份都一定要支持啦。

慈善限量版瓶蓋仲好靚,我呢瓶係以JER嘅歌曲為靈感,配以水、光、星空嘅元素,亦加入咗代表柳柳粉嘅水母,象徵喺大海或銀河中,仍有粉絲支持相伴,充滿詩意。

慈善限量版分別有50毫升及125毫升嘅選擇,今次購物禮遇亦相當抵買,除咗買一送五嘅禮遇之外,牛仔系列禮品都充滿型格,到門市或官網購物滿指定金額就可以得到,包括有牛仔環保化妝鏡、牛仔環保化妝袋、牛仔環保布袋。

官網就可以見到獨家粉絲必備套裝,快啲去 Kiehl’s 睇睇啦: https://bit.ly/34SX7w4

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

#UltraFacialCream #JerChallenge #AKChallenge #mirrorweare #AnsonKong #JerLau #No1面霜 #1moisturizer #Kiehlshk #Kiehls

Uncategorized

韓國Bodyluv抱抱被子,像oppa抱著你一樣的被子

Posted on

相信我,選Bodyluv~

唔係我講,係我oppa玄彬講㗎!Bodyluv係來自韓國嘅居家生活品牌,佢哋新推出嘅【抱抱被子】,真係好似棉花糖咁輕盈、溫暖,仲非常非常柔軟,絲滑嘅質感好舒服,睡進去就好似(被oppa)抱抱嘅感覺,好sweet, 好warm… 

輕柔如雲朶一樣,四季都適用。

仲有呢隻顏色真係好靚!被子雙面有深淺不同嘅粉紅色/ 祼色,配合埋抱抱床墊、抱抱枕袋,有唔同顏色選擇㗎~ 

BODYLUV抱抱被子詳情/ 購買優惠:https://bit.ly/3tBcEel

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com