Uncategorized

震撼開倉~ $10買名牌玩具、母嬰用品

Posted on

又到 ChopChop Baby 一連8日嘅開倉喇!其實我好少去倉,不過呢個係我每次必去,因為佢嘅母嬰用品同玩具真係優質公司貨,而且超級平‼️ (記住:平嘢同cheap 嘢係唔同㗎😉) 我當然要教大家掃平貨~

#激抵玩具10元起

今次推介都有一系列 #激抵~ 嘅玩具,全部都係牌子貨,保證小朋友用得放心。

極多Paw Patrol、Frozen、Hello Kitty、LOL、公主、麵包超人、Thomas 火車玩具!其中我買咗Thomas Walkie Talkie 畀Bat Bat,只係$80!

牌子貨仲有Fisher-Price、Hape、Chicco… 都好抵買。

💗

#嬰童食品

來自英國嘅 #Piccolo果蓉,上次好多人話買唔到,今次有驚喜優惠價,仲有 #意粉醬 大特賣,我最鍾意佢哋天然無添加嘅食材,同埋有助嬰幼兒早啲接觸各種食物,保持均衡營養、減少偏食問題。

Bruno Choice 各款乳酪粒,原價$48包,呢度買四送三,即平均約$27/包,好鍾意佢天然又超好食,我今次又買咗喇….. 仲有Bat Bat 最愛Paw Patrol 水果餡餅 $50/3盒,抵過百貨公司多多聲啦。

我成日喺 #BB展 買嘅Wel-B 凍乾水果脆片,呢度勁減~ $240/14包!而益生菌乳酪粒都幾抵買,$180就有三盒(共18小包),即係$10/包咋,細細包可一次食一包。

#嬰幼兒用品

英國 Grobag 嬰兒睡袋原來今次都有!$89/件、$199/3件,上次好快就斷貨,今次記住早啲嚟買~

*1.0 tog – 夏天款式 (適合室溫:20-24度C)

*2.5 tog – 冬季款式 (適合室溫:16-20度C)

*3.5 tog – 冬季款式 (適合室溫:16度C以下)

Capella air-move BB 車

我介紹過呢個牌子韓國BB車好幾次,因為真係好正,尤其呢款air-move好值得推介,易推、上得飛機、可單手開收車、座位又寬敞舒服,背板有承托力可保護BB脊椎成長,性價比好高,今次仲有特價,原價$1860 ,今次特價$1200,聽講係搞得最瘋狂嘅一次。如果各位媽媽搵緊BB車,一定要嚟睇吓。

YAYA 韓國製 TAYO 小巴士系列

呢個開倉有唔少兒童傢俬,不過今次最吸引我視線就係呢個TAYO 小巴士系列,因為真係超可愛啊、早知我度定位,因為Bat Bat 戶要大改造喇! 我知呢個系列百貨公司有得賣,但呢度價錢好抵,有需要嘅爸爸媽媽一定要嚟睇。

原來我之前介紹過嘅Bambo Nature 環保無敏系列都有呀,無敏柔濕巾50片裝原價$50/包,呢度特價$50/3包、仲有沐浴洗發露、按摩油、潤膚相、乳液,$100/2支咋。

男仔戒片必備!開倉價好抵買!

圖書都好吸引~

#其他

仲有好多其他超抵買嘅產品講唔晒,睇相啦~

萌b殿堂區購物滿$400就送cute cute兒童雨傘,或者其他精美禮品!

仲有好多其他開倉價激減嘅產品都令媽媽我銀包大出血!

#ChopChopBaby開倉及嬰幼用品展2020

地址: 荔枝角長裕街18號栢裕工業中心2樓

日期: 2020年6月24至7月1日

時間: 11:30am – 7:30pm

#凱林家小貼士

– 自備環保購物袋,最好帶行李箱或者車仔㖭

– 記得要自備口罩、入場前探熱及做好雙手消毒

– 人多擠迫,最好唔好帶小朋友嚟喇

– 帶多啲現金啊,或者PayMe都得!

==========

如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Uncategorized

空瓶分享~ Kiehl’s 肌膚涼茶

Posted on

重視「肌膚養生」的我,護膚品很多,經常試新產品,但能讓我一瓶用到底,有回購的卻不多,Kiehl’s金盞花瓣系列正是讓我這樣喜愛的護膚品。

近期看到有人再寫它的「空瓶記」,我也想回應一下湊湊熱鬧。為何Kiehl’s金盞花爽膚水(Toner )及金盞花修復精華面霜 (Water Cream)如此深得我心?因為它不但帶來水潤的肌膚,而且在夏天使用也絲毫不黏膩,感覺非常清爽,用後肌膚完全沒有負擔,尤其金盞花爽膚水真可稱為肌膚涼茶,完全可以為肌膚「消暑降火」,夏天保持肌膚水油平衡,減少油光滿面情況全靠它。

夏天及戴口罩容易長暗瘡痘痘,用了它更可以有助改善粉刺及幫助暗瘡疤痕癒合。

最初開始試用Kiehl’s金盞花瓣 Toner 及Water cream,是因為知道金盞花紓緩肌膚的神效,當時我的臉有點敏感,幸好轉用Kiehl’s金盞花系列立即有改善。用了幾星期,膚色就更均勻,而且更柔滑細緻。

我最喜歡的是爽膚水瓶中,你甚至可以肉眼看到一片片金盞花瓣在裡面盪漾,看著非常治癒,這些都是Kiehl’s以人手採摘的原片金盞花瓣;輕輕一抹,就可以紓緩肌膚,加上有點涼茶草本香氣,感覺實在是無比清新、清爽。

金盞花Water Cream 我也是一試愛上,面霜質感非常特別,極水漾但又像cream,是零負擔無重配方,每次潤水都有為肌膚灌水的感覺,可以瞬間紓緩肌膚不適感覺,同時強化保護屏障。

金盞花植物精華爽膚水 4 大用法

日常護理:早晚潔面後,以爽膚水沾濕化妝棉後輕抹全面,避開眼部位置。

局部濕敷:以爽膚水沾濕化妝棉作局部濕敷,可紓緩敏感泛紅現象。

隨身備用:將爽膚水放入小噴樽,隨時保濕紓緩,平衡肌膚油脂。

貼服上妝:將粉撲沾上爽膚水,提升底妝的貼服度及水潤度。

價錢給大家參考~

金盞花植物精華爽膚水 (Calendula Herbal-Extract Toner)

建議零售價:HK$210 / 125ml ; HK$315 / 250ml ; HK$515 / 500ml

金盞花修復精華面霜 (Calendula Serum-Infused Water Cream)

建議零售價: HK$ 360 / 50ml ; HK$ 620 / 100ml

==========

如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Lifestyle

一招解決鼻痕痕,最正嘅冷氣濾網推介!

Posted on

唔經唔覺開咗冷氣一段時間,個鼻開始成日覺得痕,連Bat Bat 都變身「如花」成日想撩鼻哥,好核突㗎~ 雖然鼻敏感唔算太嚴重,但到底點先可以令個鼻舒服啲?諗諗吓,原來係媽媽唔啱!

上兩星期我先突然記得原來係我唔記得洗冷氣機隔層網,一打開嚇死我,積塵厚到呢~~~ 除咗立即沖洗,媽媽我今次都學精咗,喺冷氣隔塵網上加多張  #3M靜電空氣濾網,佢嘅過濾效能比一般冷氣機隔塵網高40倍,可以有效過濾PM 2.5微粒、細菌、塵蟎及其碎屑、微塵、動物毛毛、花粉,仲有霧霾。

話晒小朋友呼吸系統發展仲未成熟,所以更加要好好保護佢嘅呼吸道,唔好輕易被致敏源誘發呼吸道疾病,否則好長手尾⋯⋯

因為好多研究都發現,室內空氣質素往往比室外更差,原因係室內空氣trap住晒唔流通,污染物更加難被吹散,所以我哋嘅屋企其實佈滿肉眼見唔到嘅致敏源,加上疫情令我哋長期留在家中,吸埋吸埋啲污染空氣,咪會覺得眼、鼻、喉嚨都唔舒服囉。如果再唔認真處理呢個問題,仲會引致頭痛、嚴重鼻敏感或者哮喘㖭!

依家我哋用咗3M™️靜電空氣濾網兩星期,覺得空氣質素已經改善咗好多,而家個鼻完全唔痕!Bat Bat 都唔使再做如花~~ 空氣好清新! 同埋我發現,3M™️靜電空氣濾網唔止可以有效過濾微細粒子,部冷氣仲可以保持良好嘅通風量,開冷氣至涼爽需要嘅時間完全唔覺得受影響。

而且安裝同更換都好方便,全程我都唔使向Bat 爸撒嬌叫佢幫手換,因為實在太簡單,我自己剪裁完,再用附送嘅皺紋貼紙貼好,需時都只係幾分鐘,唔使等佢啦。

包裝上建議濾網兩個月後更換(因環境而異),所以我喺附送嘅label 上寫咗7月15日,再貼喺冷氣機上提醒自己,到時再同大家分享下兩個月後嘅使用情況啦。 (記得 Like 凱林家生活 FB / IG 留意喇!)

#3M #靜電空氣濾網 #守護全家呼吸健康 #淨化空氣 #3M空氣淨化系列 #3M靜電空氣濾網 #過濾致敏原

==========

如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Lifestyle

丹麥環保紙尿片,天然防敏感!

Posted on

對的~ 講緊係紙尿片都可以用得更環保!之前我介紹過大家用環保 #布尿片,不過育兒生活嘅忙碌,令好多媽媽始終未能踏出多一步,好多人都唯有繼續帶住 #少少內疚 咁用紙尿片… 

其實想繼續慳時間同用得方便,仲可以選擇來自丹麥嘅Bambo Nature #環保紙尿片 呀~ 第一次發現佢係 #荷花BB展,當時佢哋從外國嚟嘅負責人好用心咁向媽媽們講解,原來Bambo Nature係丹麥政府指定嘅新一代環保紙尿片,仲取得極難獲取嘅 #北歐白天鵝生態標籤,證明咗佢哋喺環保方面作出嘅努力。

尿片所使用嘅木漿棉料亦係來自可持續森林,所以佢哋有FSC 森林認證。不過最令我驚喜嘅係尿片嘅柔軟透氣質地,Bat Bat 著得好舒服,吸濕防漏效果都唔錯!

Bambo Nature通過咗好多唔同嘅獨立權威機構測試,證實佢哋嘅紙尿片不含有害及致敏物質,溫和親膚不刺激,我睇外國網站見到唔少媽媽都大讚Bambo Nature 用料柔軟,BB 用咗唔會有尿布疹。

升級版更輕柔,夏天著都好舒服!

Bat Bat 最近仲開始用佢哋新升級版嘅 #無敏環保學習褲,環保又唔敏感,而且夠薄又輕柔,夏天著BB會舒服好多,正在進行potty training 嘅Bat Bat非常喜歡。

Bambo Nature生產過程不含氯氣、熒光劑及護膚液,全條尿片/ 褲仔沒有進行氯氣漂白,就連腰圍及腳圍都不含乳膠,本身質地已經非常天然柔軟、透氣舒適,100%無有害化學物質、無致敏。而今次新升級版竟然再提升咗柔軟舒適感同對皮膚嘅保護,柔軟到好似棉料紡織品咁,一觸碰你就會感受到嗰種超舒服嘅感覺。

而且,新版亦加入咗尿濕顯示,幫媽媽更易睇到尿片有冇濕,配合彈力十足嘅腰圍設計及再改良嘅吸濕技術,令到褲仔雖然更薄身,但仍然可以保持超強吸濕及鎖水能力。著咗之後,Bat Bat 就可以長時間保持乾爽,唔會唔舒服,亦冇咁易出疹啦。

Bambo Nature除咗有尿片,仲有出環保濕紙巾,同樣天然無敏又好用。我咁鍾意係因為佢俾我哋喺「環保」及「方便」中間取得一個微妙嘅平衡。如果大家都想為環保出一分力,就一齊選用Bambo Nature 啦!

咁邊度有得買?

#HKTVmall#大型母嬰百貨網店 有售

想知更多可以留意 Woolies Limited – Your Best Baby Products 

Facebook 專頁:https://www.facebook.com/WooliesHK/

==========

如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Beauty

膠原修復童顏槍 即去面黃浮腫

Posted on

有日老公同我食食吓飯,佢突然輕輕拍吓我個頭同我講:「你睇你個黑眼圈跌到落個鼻喇,早啲 瞓休息多啲啦!」

我都想!不過呢排真係忙,成個人殘晒,唔只黑眼圈,連眼紋、毛孔都出晒嚟,面色變得暗啞、 塊面好浮腫… 朋友都問我做乜好冇精神、好頹咁。

真係要急救殘樣,朋友叫我試吓做膠原修復童顏槍話好work!我即問痛唔痛?佢話完全唔痛,我 緊係即book 啦。

Hydro Skin 原來喺佐敦,我去都好方便。去到見到黎諾懿….. 個紙牌喺門口迎接我。

入去好快就開始treatment, 全程非常relax, 冇hard sell, 可舒服地瞓吓!

做完之後呢兩個星期,我都見到皮膚明顯光澤水潤咗,毛孔開始冇咁明顯,而黑眼圏都趕走一大 半!最緊要係塊面冇咁浮腫,成個人睇落就sharp 好多啦。

原來膠原修復童顏槍係用雙極+點陣式射頻配合脈衝分段式技術,將能量深入滲透入肌膚內嘅細胞。

我覺得做嘅時候感覺好得意,每打一下,都會喺皮膚深層感覺到暖一暖嘅感覺,舒服唔痛。做完療程之後,受刺激嘅膠原同纖維細胞會持續不斷增生,令毛孔收細、啲紋都淡好多,塊面水潤番 ,又減少水腫。

呢個treatment 唔算貴,我覺得可以keep 住做,畀番Hydro Skin 資料大家,可 以inbox 或打去問吓。

Hydro Skin 

營業時間:Mon-Fri 12:00-9:00,Sat 10:00-7:00,Sun-OFF

地址:佐敦白加士街13-15號Y-centre 12 樓全層(佐敦地鐵站C2)

電話:2736 0319

Facebook:https://facebook.com/HYdroSkinLtd/

==========

如果喜歡我的分享,記得讚好我的Facebook專頁「Mrs Co:Lam 凱林家生活」,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com