Uncategorized

Lancôme 小蠻腰唇膏 秋冬新色登場試色!

Posted on

天氣開始涼快,換季喇!唇膏都要轉吓新色。雖然戴咗口罩好耐,但其實我一直都冇放棄個嘴唇㗎,睇我平時影相就知啦,因為搽咗個靚嘴,個人感覺精神啲靚啲,會令到成個心態都冇咁頹,喺疫情嘅時都更加需要啦。

收到 Lancôme 全新登場嘅「小蠻腰」 L’ABSOLU ROUGE 瑰麗系列唇膏秋冬新色,淨係睇外型已經好靚,型格嘅黑色唇膏筒配合亮金圏環,走時尚奢華嘅高貴路線,搽唇膏嘅時候仲聞到優雅嘅淡淡香氣。

系列兩款妝效包括:

明亮潤澤嘅L’Absolu Rouge Cream瑰麗豐盈絲滑唇膏,係法國製造嘅高級訂製唇膏,妝感水潤精緻,蘊含30%滋潤玫瑰凝霜成份, 矜貴絲滑享受,潤澤呵護雙唇長達18小時。

瑰麗啞緻嘅L’Absolu Rouge Drama Matte 瑰麗絕色啞緻唇膏,色彩濃郁,絲絨啞霧嘅妝感型格冷艷,蘊含三種極緻玫瑰萃取及透明質酸等成份,持久妝效長達6小時。

全系列有7款新色,配合唔同嘅造型同場合,甚至嗰日嘅心情!我一次過幫大家試咗4隻色,大家鍾意邊隻色?

#196 French Touch Cream

#274 French Tea Cream


#888 French Idol Drama Matte

#196 French Touch Drama Matte 

我就覺得全部色都非常靚!而且我鍾意佢哋唔易脫色,就算戴口罩除口罩後,唇色仍然喺度,非常唔錯。

個人最喜歡係最有秋冬感覺嘅 #196 French Touch Drama Matte,特別持久嘅妝效亦啱晒要戴口罩嘅日子。

另一隻#196 L‘ Absolu Rouge Cream 就好啱節日party用嚟扮靚靚,非常鮮艷亮麗,好適合化節日女神妝!唔怪得嚟緊Lancôme 2021聖誕Beauty Box套裝內都有呢支唇膏啦。

#LancomeHK #LABSOLUROUGE #小蠻腰 #瑰麗豐盈絲滑唇膏 #瑰麗絕色啞緻唇膏

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Uncategorized

Clarins賦活精華眼霜 2 In 1 擊退眼紋

Posted on

有眼紋已經唔係最近開始嘅事,因為我太鍾意笑!所以一直都好注重眼部護理,不過做咗媽媽之後,又要湊仔又要工作又要打理家務,冇時間又點搞呢?

全新推出嘅Clarins Double Serum Eye 賦活精華眼霜 2 In 1 就幫到手喇,精華+眼霜 2 In 1,超級慳時間又方便,一次過就搽晒精華同眼霜,有效率地Keep住年輕嘅雙眼,可以繼續同Bat Bat 一齊盡情咁笑。

其實之前已見好多美容編輯推介Clarins呢支新出嘅賦活精華眼霜 2 In 1,讚佢7天*減淡皺紋、黑眼圈,滋潤修護!佢嘅 Double明眸配方同Double Serum 一樣有獨特嘅雙管設計,糅合眼精華同眼霜,蘊含有機法國峨蔘萃取,可以24小時保濕#,令眼周年輕蛋白激增119%^,非常強效!

配方以完美親膚嘅黃金比例注入2:1精華+眼霜,我每次都會搽喺眼周再輕輕按摩一陣,大約幾秒就會見到佢好快吸收晒入肌膚,質地輕盈不黏膩,即時已經感到眼周好似漲咗水咁保濕,細紋都冇咁明顯。用咗一星期之後,眼周有幾條皺紋都淡晒,黑眼圈慢慢改善,滋潤修護效果非常好。

一齊睇吓呢支Double Serum Eye 嘅眼精華+眼霜嘅成份同功效啦…

眼精華:蘊含有機法國峨蔘萃取,有效減淡皺紋,緊緻眼周肌膚

眼霜:蘊含超級成分薑黃,發揮5大細胞修護功效— 再生、滋養、保濕、活氧及防禦、改善黑眼圈。 

咁大支全新賦活精華眼霜 2 In 1 都只售$600,除二即係$300 咋,性價比都唔錯,最緊要慳時間又有效呀。如果想購買全新賦活精華眼霜 2 In 1 ,可於Clarins官網或專櫃購買。https://go.she.com/2VUmdqe 

*95位亞洲女性使用7天後滿意度測試結果 

^試管測試

#30位女性保濕測試

#DoubleSerumEye #精華眼霜2in1 #7天明眸之旅 #eyecream #eyeserum #antiaging #眼精華 #眼霜 #抗老精華眼霜

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Uncategorized

強效溫和 Kiehl’s最新Pure Retinol淡紋精華

Posted on

啱啱過完生日,又大一歲,熟女要再加緊抗皺喇。生日前剛好收到Kiehl’s 最新推出嘅Pure Retinol淡紋緊緻再生精華,真係啱晒。

Retinol亦即A醇,好多人都知抗皺功效好勁,更被唔少皮膚科醫生視為「聖物」,不過強效嘅A醇產品通常會有副作用,尤其喺早期階段如果使用程序、濃度唔啱,反而會令肌膚變得乾燥、泛紅、甚至甩皮!所以Retinol似乎係專業美容達人、醫生指導下先用得嘅強效產品,好多人甚至會話如果唔識用,不如唔好用,驚有反效果㖭。

但Kiehl’s 呢支新出嘅「醫學淡紋緊緻再生精華」 (Retinol Skin-Renewing Daily Micro-Dose Serum) 竟然可以打破Retinol呢個宿命,既有超強嘅速效減退皺紋功效,令膚質變得柔嫩,同時亦唔會咁易令肌膚敏感,將Retinol 嘅副作用減到最低,就算使用頭兩個星期皮膚都唔會感到唔舒服,溫和配方適合每日使用,速效淡紋收毛孔,搵番緊緻彈滑肌!

咁係因為Kiehl’s 用咗「微精準技術」嚟處理A醇,配方啟發自醫學上嘅「微劑量」(micro-dosing),使用微量但精準嘅強效成分,令呢支精華可以釋出精準嘅劑量,擊退 7 大肌膚問題 : 減退皺紋、細緻毛孔、緊緻提升、撫平細紋、柔嫩膚質、均勻膚色、煥活肌膚。

Kiehl’s 呢支醫學淡紋緊緻再生精華,經仔細調校嘅A醇劑量,配合ceramides同peptide,可以穩步咁促進表面皮膚細胞新陳代謝,新生細胞漸漸去到肌膚表面,令肌膚水潤柔滑。市面我諗都冇乜邊隻Retinol 產品係可以做到不刺激肌膚,減低皮膚泛紅、乾燥及刺痛等不適感;同時亦無 Paraben、 無香料、無礦物油、無塑化劑,所有膚質都可以每天使用。

根據一項消費者感觀研究,用完Kiehl’s醫學淡紋緊緻再生精華…

✓ 第 4 個星期皺紋看來減少

✓ 第 8 個星期肌膚看來更緊緻提升

✓ 第 2 個星期毛孔看來更細緻

✓ 90% 使用者認同使用期間,包括初次使用A醇人士,肌膚感到舒適

有咗Kiehl’s呢支最新推出嘅Pure Retinol精華,任何膚質都可以冇顧慮咁享受A醇嘅成效,熟女們如我就最開心啦。

搽Retinol精華時配合滾輪棒按摩,提升緊致去紋效果仲會更好,之後再搽「極緻塑顏全效乳霜」使用,皺紋真係好難再走出嚟㗎喇。

購物禮遇

只要10月14日前購物滿港幣 HK$1,080, 其中包括醫學淡紋緊緻再生精華 50 ml 一支,即可獲贈可配合醫學淡紋緊緻再生精華或其他眼霜及精華素作按摩之用的合金塑顏緊緻滾輪棒一支*,及可獲贈指定 5 件旅行試用裝。

使用方法: 潔面及爽膚後取兩至三泵份量的醫學淡紋緊緻再生精華於手心勻開,均勻塗抹於全臉,以滾輪棒按摩。

1. 緊緻 V 臉: 沿下顎「由下往上」滾動按摩

2. 立體輪廓: 沿顴骨「由內往外」滾動按摩

3. 促進血液循環:打圈沿眉骨「由內往外」滾動按摩

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com