Beauty

Kiehl’sxJer@Mirror慈善限量版特效保濕乳霜

Posted on

情人節禮物係Kiehl’s x Jer@Mirror 嘅慈善限量版 #特效保濕乳霜 呀!

Kiehl’s 今次真係太正喇,竟然準備咗Anson Kong 江熚生同Jer Lau 柳應廷嘅專屬UIltra Facial Cream 特效保濕乳霜陪大家甜蜜過情人節,有佢哋陪住一齊保濕, 一定唔會dry,仲可以有效強韌肌膚屏障,保持肌膚水潤彈嫩!

今次AK同阿JER 同Kiehl’s合作嘅慈善企劃。為EcoDrive Hong Kong籌款20萬,無論係以Kiehl’s #忠實用家#鏡粉#生粉#柳柳粉 嘅身份都一定要支持啦。

慈善限量版瓶蓋仲好靚,我呢瓶係以JER嘅歌曲為靈感,配以水、光、星空嘅元素,亦加入咗代表柳柳粉嘅水母,象徵喺大海或銀河中,仍有粉絲支持相伴,充滿詩意。

慈善限量版分別有50毫升及125毫升嘅選擇,今次購物禮遇亦相當抵買,除咗買一送五嘅禮遇之外,牛仔系列禮品都充滿型格,到門市或官網購物滿指定金額就可以得到,包括有牛仔環保化妝鏡、牛仔環保化妝袋、牛仔環保布袋。

官網就可以見到獨家粉絲必備套裝,快啲去 Kiehl’s 睇睇啦: https://bit.ly/34SX7w4

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

#UltraFacialCream #JerChallenge #AKChallenge #mirrorweare #AnsonKong #JerLau #No1面霜 #1moisturizer #Kiehlshk #Kiehls

Beauty

美容院在我家!Exidéal「大排燈」最強家用彩光美容儀

Posted on

疫情又一波來臨,本來約了朋友今日去美容院做treatment,結果取消變成乖乖宅在家。不過,其實我家都有自己私人「美容院」!早在2年前,我就已在家裡添置日韓台美妝界超有名氣的Exidéal EX-280「大排燈」彩光美容儀,方便足不出戶都繼續可以在家做肌膚護理。今日起至2022年1月26日,Exidéal又有 #88折優惠 #14日限時優惠,當然要提提大家!記得用優惠碼,更有extra 贈品加送!

其實自從我之前出post介紹過,這兩年斷斷續續都不停有人inbox查詢,詢問度極高!因為這部的確是市面 #最強家用光學美容儀,功能多多,效能強勁,同時兼顧安全性,而且更非常易用!

使用時,只需按鍵揀選不同波長的LED模式,就可速效達到不同美肌效果:

1. 美白亮肌

2. 增生膠原

3. 補水嫩膚

4. 緊緻去紋

5. 控油、祛痘

6. 收細毛孔

我同幾個朋友用完,都發現美白嫩肌功效超強、超快、超明顯!Exidéal「大排燈」雖然是家用,但稱得上是美容院高階級數,所以推出後在日韓台很快就爆紅。尤其近年疫情反反覆覆,完全不能預計美容院幾時又停業,誰不想家中有台高階美容機,方便隨時護理肌膚。

這兩年我更發現,有用Exideal 照燈跟沒照燈,肌膚質素Before/ After差別很明顯。我最愛的4大用途包括:刺激膠原再生、加速細胞代謝、美白淡斑、控油殺菌。

其中紅黃燈超級正!美白效果明顯到爆!每晚睡前照幾分鐘,一兩星期後肌膚就會見到白嫩不少。例如我本身膚色偏黃,選粉底液時都選比自己膚色白一度的,但照燈後有天塗粉底液時,卻驚喜地看到膚色竟然已和粉底液變得接近了。

有一位朋友見我推介後,心思思了很久,終於在聖誕前買了Exidéal 大排燈,她最近告訴我,其實我們一起Christmas Party時她沒有化底妝!!我嚇倒了,她肌膚變得很白嫩很細緻,本來我也想問她換了甚麼粉底,原來沒化妝嗎?她說,這就是用了大排燈2星期的神效,很後悔沒早點買!

另外,#口罩肌 問題也令肌膚變得暗啞無光澤、毛孔越來越粗,仲多咗爆瘡!早前我面上爆瘡達5、6粒!立即照藍燈控油殺菌,等暗瘡凋謝後再用紅黃燈增加膠原再生及美白去痘印,比不照燈「康復速度」起碼快一倍,T zone泛油問題也立即改善很多。

#價錢方面呢……

也不是可以不考慮便買的便宜貨!不過其實想深一層也不算貴,因為買一部Exidéal EX-280 大排燈只是等於去美容院做幾次treatment的價錢就「回本」。

如果真的預算有限,也可以選迷你版Exidéal mini EX-120,最近有朋友託我買了,價錢平2/3,功效一樣,只是燈數量較少,要照久一點。

#獨家優惠碼

事隔兩年,終於再問准代理拿到優惠碼了(之前很多人問過我都沒有,不好意思)

今次全線Exidéal彩光美容儀88折!!

輸入凱林家優惠碼【COLAMEXIDEAL】

加送Exidéal雪花保水潔面泡沫 (價值HK$238)

*數量有限,送完即止

限時優惠 2022年1月13 – 26日(14天)

詳情及購買:https://bit.ly/33xJK3T
 

購買小貼士

購買Exideal美容機時成為ASM會員,可享折上折

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

#ASMamusmart #ASMbeauty #ASMbeautytech #Exideal #Exidealhk #ExidealLED #ExidealOvo #Exidealmini #敏感肌 #家用美容機 #家用美容儀 #美容機推薦 #光學美容機 #homebeautysalon #LEDbeautytherapy #家用美顏神器 #達至美容院效果 #日本熱賣 #網紅

Lifestyle

男女合用禮物推介!迷你Moshi IonGo雙線隨身充電

Posted on

屋企嘅portable battery有好多,不過好似呢個 Moshi IonGo 5K Duo 咁迷你、設計咁簡約時尚、咁多功能,而且充電仲咁快嘅就比較少見喇。連我家那位腌尖的男人都話好欣賞呢個「#尿袋」! 所以如果各位仲plan緊 #聖誕禮物,或者準備緊 #情人節禮物,呢個 for him或 for her 都得,嗱嗱臨去買啦~

點解我咁鍾意?有3個主要原因!

1. 磁吸式掀蓋方便整齊收納,面層物料係環保皮革,搭配鋁合金內殼,整個好細好輕,放入我嘅手袋仔完全唔覺佔空間,男人放喺衫袋褲袋都唔累贅,可以隨身攜帶超輕便。

2. 除咗細同靚,佢仲有一個最大賣點,就係一機有齊兩條內置充電線,內建隱藏式嘅USB-C 及 Lightning 雙充電線,一來唔怕帶錯線、帶漏線,啱晒大頭蝦;二來仲可以同時充兩部機,例如好似我咁成日影相、拍片,佢就可以幫我同時為iPhone及外置補光燈充電。當然亦都方便大家為 #後備電話 #安心電話 充電!

3. 更開心嘅係佢有「同充同放」電路設計,即係可以一邊充手機,一邊充番個尿袋,一次過充晒兩樣嘢。

喺充電效能上,Moshi IonGo 5K Duo 電池容量有5,000 mAh夠晒我全日用,而且充電都好快速,USB-C支持15 W輸出及Lightning支持12 W輸出,為iPhone充電嘅速度比5 W蘋果充電器快2倍以上,呢個速度我非常滿意!

佢亦有晒MFi 認證,確保同 iPhone、iPad、其他Lightning裝置相容,電池技術亦好先進,用咗同最新電動車同等級嘅電池科技技術,電池嘅充電、放電同低內阻都強化咗,就算擺耐咗唔用,自行放電率都極低,放置27個月後仍然有電,所以放喺袋做後備電源真係啱晒。

唯一有人可能唔滿意嘅係佢嘅價錢,見到街價約$6xx,不過我又覺得一分錢一分貨,買得Moshi 都知唔係平嘢,如果用嚟送禮就更得體啦。

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

#moshi #moshihk #迷你行動電源 #IonGo5KDuo #聖誕禮物2021 #GiftForHim

Beauty

Kiehl’s 節日限量版系列逐件睇!

Posted on

收聖誕禮物開心,其實準備聖誕禮物送俾人都好開心呀,每次揀完禮物我都好期待見到收禮物嘅人鍾意嗎?開心嗎?所以一定好俾心機揀,其中我每年必送嘅係 Kiehl’s 節日限量版系列,因為個個朋友收到都鍾意,啱用又超級靚,節日充滿藝術氣息!

今年Kiehl’s聯乘藝術家 Marylou Faure,用咗好多大膽色彩同奇趣嘅設計,適逢 Kiehl’s 今年慶祝170 周年,出咗更多節日限量護膚產品,全部換上藝術家 Marylou Faure 設計嘅「靚衫」,佢嘅概念係將紐約幻變為魔法夢鄉,裡面好多獨特嘅characters,當然唔少得 Mr. Bones 啦。

我推介最新出嘅Kiehl’s節日限量皇牌產品係⋯⋯

1 高效能潤手霜

疫情期間成日搓手,想滋潤雙手用佢就最啱,送禮自用都好適合???????? 配方蘊含牛油果油、尤加利油及芝麻油,高度滋潤,修護乾燥雙 手,讓手部肌膚回復光滑水潤,實屬冬季必備。這支顧客最愛潤 手霜首度加入節日限量版系列,並以全新面貌示人,換上 200 毫 升管裝,融入 FSC 認證紙,為美好未來出一分力。

– 高效能潤手霜 (Ultimate Strength Hand Salve):HK$245 (200 ml) 

2 經典潤膚乳

For him or For her 都好啱,能令肌膚感到滋養豐潤又平滑,所以一直好受歡迎,全新 400 毫升瓶裝而家同樣都融入 FSC 認證紙,限時供應,千祈唔好錯過呀。

– 經典潤膚乳 (Crème de Corps) :HK$385 (400 ml)

3  極緻塑顏全效乳霜 

好似我呢種輕熟女一定大愛???? 呢支Kiehl’s #1 受歡迎嘅抗衰老皇牌產品,有7大肌膚修 護效能,我好鍾意用,一次過擊退各種明顯老化跡象,幫我透出年輕亮肌,如果想送面部護膚產品俾女人仔,就揀呢瓶啦~

– 極緻塑顏全效乳霜 (Super Multi-Corrective Cream) :HK$620 (50ml)

4 金盞花植物精華爽膚水

不過我覺得最搞鬼係【限量版Mr. Bones 瓶蓋】嘅購物優惠,支凡購買限量版金盞花植物精華爽膚水 500 ml,即可額外獲贈限量版 Mr. Bones 瓶蓋,設計充滿藝術玩味,而且又係人見人愛嘅Kiehl’s 金盞花系列產品,如果有用開金盞花系列就更加唔可以錯過呢個特別版啦。

– 金盞花植物精華爽膚水 (Calendula Herbal-Extract Toner ) :HK$330 (250ml) / HK$560 (500ml)

節日購物禮遇

– 凡購買任何Kiehl’s產品,顧客均可享受禮品包裝服務,附贈紅色禮盒及特別設計的禮盒套。而禮盒套更可以撕下來摺成口罩套,可以重複使用及支持環保。

– 凡購物滿 HK$500,即可以 HK$590 換購 Kiehl’s 限量版聖誕 倒數月曆乙份 (價值HK$1,855),每人只限換購一份*。

*數量有限,送完即止。

– 買滿HK$1,800,即可獲贈Marylou Faure 限量版環保袋乙個及旅行試用裝 14 件。

Kiehl’s HK

https://www.kiehls.com.hk/zh_HK/home

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Beauty

[元朗髮型屋SALON] 令髮質變好的電染 x 修護焗油

Posted on

整完個頭又精神番晒喇!

上星期終於忍唔住急call髮型師Ron幫我搞搞個頭,髮質依家靚番晒,重生一樣呀~ 

前嗰排好多朋友都發現咗我啲頭髮已超過咗可忍受嘅臨界點,變得亂糟糟,因為毛燥、開叉、乾旱嘅頭髮自己係處理唔到嘅,只可以搵專人幫手搞番掂…… 

所以我就的起心肝去整頭喇,今次我同Ron講,最重要係 #自然 #髮質好,因為大家都見本身毛燥比較勁,因為之前漂咗兩三次,今次我想keep 住順滑持久啲!Ron 幫我揀咗日本同台灣大熱 TOKIO DESIGN INKARAMI (台灣叫 #京喚羽 )電直髮,呢個名嘅由來係做完呢個 【電髮 x 修護】之後,頭髮會好似羽毛咁輕盈柔滑、發放光澤!

一般電髮/ 直髮都係傷頭髮嘅,但京喚羽就顛覆呢個傳統,喺電髮嘅同時注入修護,等於同時做咗焗油(如果唔電髮,都可以就咁做呢隻焗油,又或者染髮 x 修護都得)。

其實我十幾年前都有做過電髮同直髮,但做完之後髮尾啲頭髮就完全殘晒,要剪晒佢!因為我嘅頭髮本身較幼弱,承受唔到傳統藥水嘅負荷,所以從此之後我就冇電曲電直過啲頭髮⋯⋯

估唔到今次相信Ron嘅建議做呢隻TOKIO DESIGN INKARAMI 直髮 x 修護,效果會咁好,真係喜出望外!

因為我之前漂過頭髮,髮色開始偏黃,電直之後Ron 就幫我染咗啞啡色,本來偏黃嘅髮色望落就更健康喇,滿足晒我要【靚髮質】嘅要求。

成個修護療程仲跟多一支home care treatment俾我喺屋企繼續修護髮質,可以令柔順效果延長兩倍時間! 今次電+染+剪雖然用咗四個幾鐘,不過我預計效果可以keep到起碼四個幾月,其間keep到把頭髮自自然然唔使點搞,計落都係值得嘅~

Unite Hair Salon 呢度我覺得係元朗數一數二最靚嘅Hair Salon,質素有中環咁好, 又用Dyson風筒,價錢都幾ok,佢喺千色附近,如果搵Ron,可以話係凱林介紹,我幫大家問咗Ron 攞8折㗎喇。

RON LAM HAIR

https://www.instagram.com/h_ron_lam/
https://www.facebook.com/53137299ronlam/

元朗紅棉圍3號厚德樓6號舖 UNITE

Whatsapp:5313 7299 (星期一放假)

自動Whatsapp Link:https://wa.link/1ci1n6

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Beauty

空瓶分享!Clarins Double Serum 賦活雙精華

Posted on

天氣一乾燥,一班女人仔圍埋就會傾吓有咩護膚品好用,因為皮膚狀態變差真係好煩惱,樣唔靚,換季有咩新嘅靚衫都會冇心機。我以前都曾經煩過,不過自從遇上Clarins Double Serum賦活雙精華之後就一天光晒,如果要我講一件我用到空瓶仲會再回購嘅精華產品,我一定會推介佢!

有用過Double Serum嘅就知佢係一支好特別,獨有雙管設計嘅雙精華,一支有齊【水+油】雙精華配方,水油以2:1親膚黃金比例調製,所以肌膚塗上精華後好快滲入肌底。質感方面,唔好以為佢有油就會好笠,其實水+油調和後,推開一啲都唔油唔黏,按上面精華好快就被肌膚吸收咗,只會感到好滋潤好舒服,唔再掹掹緊。其實Double Serum一年四季都可以用,不過秋冬轉季大家就會覺得更需要佢,因為用佢即時改善肌膚效果真係好work。

睇吓,抬頭紋改善咗好多!

因為Clarins Double Serum有植物萃取成份,可以激發5大細胞修護功效 — 再生、滋養、保濕、活氧、防禦。用咗佢之後,肌膚即時會見到光澤感提升,再用1星期左右,我仲見到皮膚明顯緊緻咗,連皺紋同細紋乾紋都減淡不少,尤其係有啲細紋同乾紋仲消失埋或者已經唔再咁明顯見到喇。只要持續用一段時間,肌膚就會keep住都咁彈咁潤,就算秋冬季都唔怕肌膚變差晒。

如果第一次用嘅話,可以試咗小pump先,扭動瓶頂就可以控制大小pump,用慣咗就可以按自己狀況pump出來用。我就習慣用一大pump按勻全面再按頸,早晚一次就可以令肌膚保持緊緻彈滑,擊退皺紋,重煥年輕肌膚啦。

購物禮遇

CLARINS專櫃及官網現已推出3款賦活雙精華節日限定「買1送3」套裝,適合不同肌齡嘅選購,只需$900就能擁有1支50ml Double Serum,以及2款指定皇牌禮品連1個精美化妝袋!另外,仲有更多Double Serum優惠套裝喺官網及專櫃發售!https://bit.ly/3qKUyoX

#DoubleSerum #DS忠粉空瓶聯盟 #修護精華

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Food & Restaurant

餃子の王樣:無激素添加日式餃子推介!

Posted on

我哋屋企食開一隻無激素添加、100%歐洲豚肉嘅日式餃子,不過最近周圍都好難搵到,問咗朋友,原來啱啱「品牌升級」,現在王者歸來叫「餃子の王樣」,包裝多咗日本餃子文化四格漫畫都幾得意,升級品牌同樣有兩款餃子,分別係豚肉甘藍圓白菜餃子、豚肉粟米鮮菜餃子,一樣係大大粒多菜多肉,餡肉濃郁多汁,拎到返屋企,Bat Bat 一餐就食咗6粒喇。

點解周圍搵都要搵返呢隻餃子?因為自從我做咗媽媽,屋企有小朋友,就愈來愈著重食品質素同食材安全,所以我好鍾意呢個品牌嘅餃子採用100% 歐洲豚肉同新鮮蔬菜,並通過國際機構檢測,證實無激素添加、無抗生素添加,咁就確保小朋友唔會細細個開始就食埋啲添加物入肚啦。

其實睇包裝已經列晒出嚟,除咗得意嘅日本四格漫畫,更重要係有品牌承諾嘅標籤:

無激素添加!!

無抗生素添加!!

非轉基因大豆油!!

無人工色素!!

無防腐劑!!

市面一般嘅餃子好多都冇註明豬肉嘅激素、抗生素使用情況,但「餃子の王樣」就有大方列明,同埋我留意到佢哋列明咗餃子用嘅係最好食嘅豬腿肉配合新鮮蔬菜,肉菜黃金比例1:1,連平時成日唔鍾意食菜嘅Bat Bat 都會成隻餃子食晒唔挑食,輕鬆有菜落肚,實在太好啦!

「餃子の王樣」價錢仲唔貴,一包10粒通常只係賣$2X可以話係超值,無論煎、煮、蒸、氣炸都係咁好食,無添加、方便又美味,真係家庭長期必備嘅食品。

品牌升級嘅「餃子の王樣」,品質都有升級,由日本進口嘅日本餃子生產綫可以製作出更完美嘅正宗日本餃子新月形狀,餃子形狀靚,食都食得開心啲。

食評分享~

《豚肉粟米餃子》

餃子皮薄煙韌幼滑,豬腿肉軟熟又帶點彈牙,肥瘦適中,多汁但不油膩,不過最意想不到係裡面一粒粒清甜又飽滿的粟米,好似新鮮摘落來嘅一樣,Bat Bat 同我都非常鍾意,一定要俾佢滿分!

媽媽未影完相佢就食咗!哈哈!

《豚肉白菜餃子》

氣炸之後外皮脆卜卜好香口,180度10分鐘食得!另外落鑊煎都好香脆,裡面餡料肉嫩多汁,不論外觀還是味道都跟在日本旅遊時喺餐廳吃的煎餃完全一樣,採用日本進口嘅機器生產嘅正宗日式餃子係特別有日本地道風味。

提提大家,「餃子の王樣」嘅豬肉本身已熟,所以煎、煮、蒸、炸或氣炸都好快就食得,愛健康嘅大家及各位媽媽,我非常推介呀!

售賣點:波仔, Ocean Three, Fresh超市, Smart Food凍肉店, HKTV Mall 及各大優質食材店

Beauty

一樽抵三樽!日台熱爆vitoas逆齡護膚只要10秒

Posted on

好多媽媽同我講,做咗人阿媽之後,連瞓覺都冇時間,仲邊有時間講究護膚,雖然見住自己變mombie,肌膚變得暗啞冇晒彈性,啲細細紋愈出愈多,但都冇辦法。

咪住!我想大大聲講:媽媽們唔使放棄自己㗎!想保養好肌膚,其實唔一定要花時間搽好多護膚品先有效,揀啱一支All in One護膚品就可以代替晒爽膚水+精華+乳液乳霜,每次只需要10秒就可以令你肌膚keep住水嫩緊緻、又彈又滑。

所以如果一有媽媽話好忙冇時間護膚,我一定推介佢用日本台灣熱爆嘅vitoas多效極妍鎖濕菁華,呢支All in One護膚一樽就結合晒爽膚水、精華、乳霜,做到保濕、撫平細紋、抗衰老嘅功效,大大改善皮膚暗啞粗糙、乾燥鬆弛、法令紋加深嘅問題,用vitoas只需一個動作就做晒三個護膚步驟,啱晒我哋呢種繁忙媽媽。

不過,點解 vitoas 可以咁完美混合爽膚水嘅水份同精華乳霜嘅油份呢?名副其實嘅水包油喎!原來係vitoas係日本百年大廠Suntory所研發嘅All in One保養品,唔係就咁混合水同油咁簡單,而係真正融合令到「水油並存」。每次搽vitoas,注意唔好係手心推開再擦上臉,而係用手指將精華液點係面上再推開,多重護膚成份就自自然然依次序咁滲透入肌膚底層。

佢哋叫呢個做WOW高滲透型乳化技術 (water in oil in water),令到大忙人都可以善用vitoas 高效率地護膚,根本可以話係最高效率嘅「逆齡護膚品」,一來幫我哋慳時間,二來唔使用咁多樽護膚品亦可以減輕肌膚嘅負擔。

vitoas (台灣叫佢蜜得絲)喺日本同台灣都好Hit,因為佢一步到位代替多重護膚步驟,做晒保濕、抗衰老,省時省力咁幫我哋做好熟齡階段嘅保養。我第一次用已經見到效果好神奇,一用完肌膚就明顯水潤咗好多,效果持久keep到成日;然後用咗一個月後肌膚改善就更明顯,彈潤透亮,就算有時唔夠瞓,第二日起身我嘅肌膚仍然係水嫩緊緻,又彈又滑!

雖然All in One 但質地好輕盈,滋潤唔笠,主要美容逆齡成份包括玻尿酸補水、蛋白聚醣令肌膚彈潤緊緻、ceramide屏護鎖水!配合Suntory嘅WOW三段式滲透技術,一支就做齊爽膚、注入精華素、鎖濕保護乳霜效果,而家我嘅法令紋同細紋都淡晒,所以話冇時間唔緊要,用vitoas就唔使做mombie啦。

而家vitoas 可以喺三得利香港官方網站上買到,雖然一支就免運,但我會一次買幾樽,優惠會多啲!有朋友同我講過似乎有點小貴,不過我都會提醒vitoas 係一支代替3支護膚品,而且佢特別大支有120ml,除開真係唔算貴啦,最緊要係有效果,幫我哋keep young, look young! 第時我小朋友大個咗,我都唔會變咗老媽子,仲可能似佢家姐,咁就好喇!!

用法我唔多講,因為vitoas 佢寄埋好詳盡嘅小冊子教埋一啲獨門手法,都係好快好easy,好期待香港嘅媽媽都愈來愈靚愈來愈後生,大家努力呀!

如果想買vitoas, 可以喺三得利嘅網上官方商店買到,先可以保證日本原裝正貨,仲有獨家9折優惠:

https://hk.swellness-online.com/pages/promo?f=vthklpjz-1910-kh&m=mrscolam&s=vt57060006-kh

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Beauty

4重花療修護力量!新升級Kiehl’s金盞花蘆薈鎮靜保濕凍膜

Posted on

“你有壓好,我有壓力!”

識得呢句說話嘅人或多或少都暴露咗年齡。

其實除咗年齡之外,壓力都會令我哋加速衰老,壓力越大人越殘,呢個都係定律咁滯,我又slash幾份工作,又要湊仔,話冇壓力都冇人信,好彩我暫時望落都未算好殘,因為我用咗一種有效成分護膚可以針對壓力損害肌膚嘅問題!

呢個護膚成份就係金盞花(Calendula),佢以紓緩及鎮靜明顯飽受壓力損害嘅肌膚見稱,無論係印度阿育吠陀(Ayurvedic)療法,或中國傳統醫學, 都有推崇金盞花作為治理壓力肌膚嘅草本良藥㗎。

我都有喺度推介過好幾次KIEHL’S嘅金盞花植物精華爽膚水,因為真係超好用,紓緩保濕、改善泛紅、減輕曬傷、平衡水油、調理肌膚嘅效果好明顯,仲可以加速暗瘡疤痕癒合,有效改善粉刺瑕疵、過剩油脂、粗大毛孔㖭。

其實KIEHL’S嘅皇牌金盞花系列全部都好好用。尤其最新升級版嘅金盞花蘆薈鎮靜保濕凍膜 (Calendula Petal-Infused Skin-Calming Mask) 可以話係今個夏天必備,又悶熱又俾口罩焗住,用佢嚟重點紓緩保濕最好。

新嘅升級版配方蘊含 50% 更多蘆薈精華及人手採摘嘅金盞花瓣,水凝霜狀質感敷上面冰冰涼涼,好舒服!敷緊嘅瞬間已經開始發揮鎮靜紓緩、清涼保濕功效!佢特別針對泛紅、狀態不穩嘅肌膚,用完之後肌膚會見到變得更細緻,透出水亮光澤,又滑咗又靚咗!

每週使用3次就最好,主要用途有以下幾種:

護理 : 將一層保濕凍膜厚敷於於清潔過後的肌膚上,等候15分

鐘,以打圈方式輕輕按摩後,用溫水沖淨拍乾。

妝前急救 : 化妝前於乾燥肌膚敷15分鐘,即時補水,令妝容全日更貼服。

曬後紓緩 : 日曬後使用可加速修護、補水及紓緩,改善乾燥泛紅。

仲有金盞花深層潔面泡沫 (Calendula Deep Cleansing Foaming Face Wash) 都非常好用,配埋一set 用效果真係好好呀。

Kiehl’s

#KiehlsHK

#肌膚涼茶

#金盞花凍膜

#金盞花治癒急救

#4重花療修護力量

#金盞花蘆薈鎮靜保濕凍膜

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Lifestyle

凱林評測報告:3歲用到18歲FreeMAX兒童成長學習桌椅

Posted on

工欲善其事必先利其器,Bat Bat升K2開始會學寫字,佢亦愈來愈喜歡花時間睇書,所以都係時候要幫佢準備合適嘅桌椅,防止佢坐姿唔正確造成寒背同大近視。

以前我都唔明點解啲小朋友要用呢啲有斜台嘅學習桌椅,做咗阿媽先明都係唔想佢哋咁快做「低頭族」,身邊有幾個朋友用緊FreeMAX Enjoy 嘅兒童學習桌同成長椅,書枱同張椅都可以調校高度,可由3歲用到18歲,個個用緊嘅朋友都大讚好用話冇買錯,令我都好有興趣!帶埋Bat Bat去試坐完,我就立即決定Bat Bat都係揀呢套喇。

師傅一安裝完,Bat Bat 已經好開心成日自己坐喺度睇書、畫畫、做功課,變成屬於佢嘅學習小天地。最重要張椅有碌移動好方便,但一坐落去就會自動lock實,唔會俾小朋友郁嚟郁去,真係一個超級正嘅設計!!

FreeMAX Enjoy D兒童學習書桌係最新型號,符合人體工學設計,坐姿正確就可以保護小朋友脊椎,健健康康咁成長,而家等我逐點詳細同大家分享點解我咁鍾意佢,大家有興趣可以參考吓。

1. 唔只書桌可調校高度,椅子亦可調校椅腳及椅背高度,甚至坐墊深度!
隨着小朋友成長由幼稚園用到中學,用足十幾年都得,桌面90CM闊,唔會太細唔夠用,但又唔會太大,適合香港嘅小家居。

2. 書桌面板嘅高度同傾斜度都可以調節。
高度:升降範圍52-76CM,適合3-18歲使用

*佢嘅「手搖式升降系統」好簡單,升高同降低書桌話咁易,個手柄用完可以收返埋,唔怕小朋友手多搞到。

傾斜度:可根據唔同需要調節至0至60°,方便睇書、畫畫、做功課、玩玩具,保持腰背脊柱姿勢正確,小朋友唔使成日dup低頭,頸部同背脊都唔會咁易出問題。

*用手握住開關向上拉起或向下放平,當到達所需角度鬆開開關即可。

3. 收納位多
枱底有特大分隔式抽屜,枱面亦有書架擺放書本同學習用品,仲內置一個閱讀架,睇書時可以調校角度,用完又可以收起,好方便。

兩側有掛鉤可以放畫袋、書包,小朋友嘅學習用品歸一唔使隨處擺。

4. 書枱有活動輪設計
有需要時可以輕鬆將書枱移動到唔同位置,唔使用力搬㗎!

5. 護脊雙背人體工學設計
張兒童成長椅最特別嘅地方係佢嘅護脊雙背人體工學設計,成張凳唔止舒服,仲可以根據小朋友身型作出微調,椅背模仿頸椎孤度,為腰椎提供支撐,令小朋友姿勢坐得正確。

6. 細心底座設計
最細心嘅係張椅個底座設計,原來可用作腳踏,防止好似Bat Bat 咁比較細粒嘅小朋友雙腳懸空,好貼心。


不過佢有個缺點!

就係座椅只有粉藍同粉紅色,媽媽們一定都知道呢啲色唔襟污糟!所以我建議如果想3歲用到18歲一定要加椅套!!!我遲咗冇加椅套好快已經後悔,唉~~~ 而家FreeMAX有做緊Enjoy 兒童桌椅套裝8折再送椅套優惠,想買最好趁而家喇。

香港書展優惠
如果各位都想購買嘅就要留意,嚟緊香港書展 FreeMAX 都有攤位!
日期: 2021年7月14-20日 
地址: 香港灣仔博覽道一號香港會議展覽中心 
攤位: 3C-C35及3C-B36 

書展優惠都幾吸引:
–兒童桌椅單買9折 
-大將作兒童桌椅套裝85折 
-Enjoy 兒童桌椅套裝8折再送椅套 
-獨家送Just Climb兒童攀石體驗優惠卷(書展獨家優惠) 

FreeMAX官網都有7月限定優惠!
-全線書包85折
-兒童桌椅單買9折 
-大將作兒童桌椅套裝85折 
-Enjoy 兒童桌椅套裝8折再送椅套

網購額外購買優惠
只要用優惠碼【Colam100】喺FreeMAX官網購買小朋友產品滿$1000即可立即減$100,每張訂單只限使用一次。
*限時至2021年7月30日咋。

FreeMAX Enjoy學習桌椅套裝詳情:https://bit.ly/3e6wTb9

FreeMAX網站:https://bit.ly/3qdIb2c

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com