Mrs Co:Lam 凱林家生活

Website: www.mrscolam.com

Lifestyle

凱林評測報告：3歲用到18歲FreeMAX兒童成長學習桌椅

Posted on 10/07/202110/07/2021

工欲善其事必先利其器，Bat Bat升K2開始會學寫字，佢亦愈來愈喜歡花時間睇書，所以都係時候要幫佢準備合適嘅桌椅，防止佢坐姿唔正確造成寒背同大近視。

以前我都唔明點解啲小朋友要用呢啲有斜台嘅學習桌椅，做咗阿媽先明都係唔想佢哋咁快做「低頭族」，身邊有幾個朋友用緊FreeMAX Enjoy 嘅兒童學習桌同成長椅，書枱同張椅都可以調校高度，可由3歲用到18歲，個個用緊嘅朋友都大讚好用話冇買錯，令我都好有興趣！帶埋Bat Bat去試坐完，我就立即決定Bat Bat都係揀呢套喇。

師傅一安裝完，Bat Bat 已經好開心成日自己坐喺度睇書、畫畫、做功課，變成屬於佢嘅學習小天地。最重要張椅有碌移動好方便，但一坐落去就會自動lock實，唔會俾小朋友郁嚟郁去，真係一個超級正嘅設計！！

FreeMAX Enjoy D兒童學習書桌係最新型號，符合人體工學設計，坐姿正確就可以保護小朋友脊椎，健健康康咁成長，而家等我逐點詳細同大家分享點解我咁鍾意佢，大家有興趣可以參考吓。

1. 唔只書桌可調校高度，椅子亦可調校椅腳及椅背高度，甚至坐墊深度！
隨着小朋友成長由幼稚園用到中學，用足十幾年都得，桌面90CM闊，唔會太細唔夠用，但又唔會太大，適合香港嘅小家居。

2. 書桌面板嘅高度同傾斜度都可以調節。
高度：升降範圍52-76CM，適合3-18歲使用

*佢嘅「手搖式升降系統」好簡單，升高同降低書桌話咁易，個手柄用完可以收返埋，唔怕小朋友手多搞到。

傾斜度：可根據唔同需要調節至0至60°，方便睇書、畫畫、做功課、玩玩具，保持腰背脊柱姿勢正確，小朋友唔使成日dup低頭，頸部同背脊都唔會咁易出問題。

*用手握住開關向上拉起或向下放平，當到達所需角度鬆開開關即可。

3. 收納位多
枱底有特大分隔式抽屜，枱面亦有書架擺放書本同學習用品，仲內置一個閱讀架，睇書時可以調校角度，用完又可以收起，好方便。

兩側有掛鉤可以放畫袋、書包，小朋友嘅學習用品歸一唔使隨處擺。

4. 書枱有活動輪設計
有需要時可以輕鬆將書枱移動到唔同位置，唔使用力搬㗎！

5. 護脊雙背人體工學設計
張兒童成長椅最特別嘅地方係佢嘅護脊雙背人體工學設計，成張凳唔止舒服，仲可以根據小朋友身型作出微調，椅背模仿頸椎孤度，為腰椎提供支撐，令小朋友姿勢坐得正確。

6. 細心底座設計
最細心嘅係張椅個底座設計，原來可用作腳踏，防止好似Bat Bat 咁比較細粒嘅小朋友雙腳懸空，好貼心。

不過佢有個缺點！

就係座椅只有粉藍同粉紅色，媽媽們一定都知道呢啲色唔襟污糟！所以我建議如果想3歲用到18歲一定要加椅套！！！我遲咗冇加椅套好快已經後悔，唉～～～而家FreeMAX有做緊Enjoy 兒童桌椅套裝8折再送椅套優惠，想買最好趁而家喇。

香港書展優惠
如果各位都想購買嘅就要留意，嚟緊香港書展 FreeMAX 都有攤位！
日期: 2021年7月14-20日
地址: 香港灣仔博覽道一號香港會議展覽中心
攤位: 3C-C35及3C-B36

書展優惠都幾吸引：
–兒童桌椅單買9折
-大將作兒童桌椅套裝85折
-Enjoy 兒童桌椅套裝8折再送椅套
-獨家送Just Climb兒童攀石體驗優惠卷(書展獨家優惠)

FreeMAX官網都有7月限定優惠！
-全線書包85折
-兒童桌椅單買9折
-大將作兒童桌椅套裝85折
-Enjoy 兒童桌椅套裝8折再送椅套

網購額外購買優惠
只要用優惠碼【Colam100】喺FreeMAX官網購買小朋友產品滿$1000即可立即減$100，每張訂單只限使用一次。
*限時至2021年7月30日咋。

FreeMAX Enjoy學習桌椅套裝詳情：https://bit.ly/3e6wTb9

FreeMAX網站：https://bit.ly/3qdIb2c

::::::::追蹤Mrs Co:Lam 凱林家生活 :::::::::

如果喜歡我的分享，記得追蹤埋「Mrs Co:Lam 凱林家生活」其他平台，更快知道更多更好的有趣資訊。

Mrs Co:Lam 凱林家生活

Website: www.mrscolam.com

Uncategorized

My True Love With Kiehl’s

Posted on 05/07/202105/07/2021

Happy Birthday to Kiehl’s 170周年!!

見到好多人講緊 “My True Love With Kiehl’s”，我成個櫃咁多Kiehl’s 要揀一款最愛的確唔易，金盞花植物精華爽膚水？Ultra Facial Cream？定係我大學時期已經用緊嘅1號護唇膏？

諗嚟諗去，我經過深思熟慮 (係誇張咗啲）終於決定揀我上年開始用就一見鍾情嘅Kiehl’s全效再生超級精華SUPER SERUM！！

用第一次已經感覺到啲精華「ba ba」聲咁索晒入肌膚，超級吸收！

其實佢叫得呢個名，都知係勁嘢，一支就可以修復八大肌膚問題，包括缺水、暗啞、毛孔、細紋、粗糙、緊致度等，14日肌膚就會好似再生咁透亮、柔滑細緻。佢係一支用第一次就無懸念之後一定會繼續用嘅超級護膚品，叫做super serum 真係冇改錯名。

各位如果要揀一支 Kiehl’s 做你true love，你又會揀邊支？

#KiehlsHK

#MyTrueLoveWithKiehls

::::::::追蹤Mrs Co:Lam 凱林家生活 :::::::::

如果喜歡我的分享，記得追蹤埋「Mrs Co:Lam 凱林家生活」其他平台，更快知道更多更好的有趣資訊。

Mrs Co:Lam 凱林家生活

Website: www.mrscolam.com

Beauty

瑞典Sudio Ett靚色真無線藍牙耳機網購85折優惠碼

Posted on 26/06/202126/06/2021

好鍾意送耳機俾人做生日禮物，因為貼身又貼心，唔只實用，款式仲好型。我自己用過亦送過好幾個好幾個瑞典嘅 #Sudio耳機俾朋友，最初被呢個品牌耳機款式吸引，用落質素仲唔錯！

最近新寵係Sudio最新嘅Sudio Ett。

Sudio Ett係真無線藍牙耳機，有主動降噪功能，音質大大提升，聽歌、講電話表現我都覺得好好，因為主動降噪科技（Active Noise Cancellation）可以屏蔽低頻噪音，例如車聲背景雜聲，甚至飛機引擎聲 (雖然我暫時未有機會飛），所以聽歌都特別爽。

不過最重要係用耳機通話時，會自動開啟「通透模式」，唔只聽清楚人哋嘅聲音，仲可以聽清楚埋自己把聲，有face to face真實對話嘅感覺。

同埋Sudio Ett有埋無線充電功能，IPX 5防水系數，跑步做gym 聽歌有時大汗少少都唔驚，就算落雨都唔使怕整濕。除咗我呢隻隻，仲有粉紅色、墨綠色、白色都好靚㗎。

#送冰島藝術家DesignerBag

7月11日(瑞典時間)前喺Sudio官網購買任何耳機音響，都會隨單贈送一個 #冰島藝術家AndreaMaack x Sudio聯名設計嘅環保棉質反光Tote Bag。Tote Bag有好特別嘅銀色反光設計，Sudio 本身係一間致力成為零碳排放瑞典企業，佢哋今次活動都係希望大家減少對一次性膠袋嘅依賴，為環保出一分力。

#85折優惠碼

今次攞到85折優惠碼，歡迎使用：

1. 喺Sudio官網結帳時輸入優惠碼 mrscolam

>>> 全館85折，優惠有效至 7月31日

>>> Sudio官網：https://www.sudio.com/hk/ett-white

2. 喺Sudio Sphere註冊產品享3年保養

>>> https://www.sudio.com/hk/sphere

3. 而家Sudio官網購物均可享免運費、30天內享退貨服務

::::::::追蹤Mrs Co:Lam 凱林家生活 :::::::::

如果喜歡我的分享，記得追蹤埋「Mrs Co:Lam 凱林家生活」其他平台，更快知道更多更好的有趣資訊。

Mrs Co:Lam 凱林家生活

Email: hello@mrscolam.com

Website: www.mrscolam.com

Mom & Baby

兒童網課推介：1對1外籍老師，輕鬆學會標準口音、英文詞彙！

Posted on 26/06/2021

雖然我們平時都用中文和Bat Bat 溝通，Bat Bat 念的也不是國際幼稚園或英文幼稚園，但4歲的他每次看到外國小孩都會主動「轉台」改說英語：「Hello, I am Bat Bat, what’s your name?」然後很自然地邀請人家一起玩。

其實小朋友就如一塊海綿，吸收很快，想學英文很簡單，只需製造機會讓他多聽多說就可以。其中我很喜歡的一個網上兒童英語學習平台OiKID特別好，足不出戶就可以讓他和外籍英語老師全程一對一用英文上課，學習豐富的英文詞彙、標準的英語口音及正確文法。

育兒生活已經如此繁忙，不用舟車勞頓的網上課程非常棒，但最重要是OiKID有專業英語老師真人互動，課程編排又有趣，令小朋友愉快地投入學習。

其實所謂的網上課堂，一點都不像傳統課堂，反而就像玩遊戲一樣寓教於樂。上課時只需在家中打開電腦/ iPad，老師就在屏幕上開始與Bat Bat聊天互動，全程英語對答，見Bat Bat雖然有時會停下來思考某些英語詞彙應怎麼說，但老師總會適當地循循善誘，整體而言二人英語傾談甚歡。

看！一起扮funny face讓Bat Bat很興奮：

(課後回播影片的截圖)

全程輕鬆聊英語玩得開心！

本來剛開始時我還擔心網課對幼兒而言會有隔閡，Bat Bat 會否覺得沉悶而逃走？但我看到的情境卻是一個全程聚精會神的Bat Bat，和老師說著英語，還玩得很開心。

老師：What color is the car?

Bat Bat: The car is red! I like red!

(然後Bat Bat把家中紅色的玩具都拿出來，如數家珍向老師介紹）

老師：Well done! You have so many toys in red! You like the color red.

課堂中，老師準備了很多有趣的課題，透過色彩繽紛又可愛的卡通插圖，讓Bat Bat 非常集中地一邊玩遊戲，一邊學習各種顏色、數學、圖案，甚至不同動物名稱。

25分鐘的課堂，轉眼就過去，Bat Bat 還不捨得下課！之後晚上還問：「媽媽，我好喜歡Miss Caitilyn，幾時再上課？」

小朋友每星期都有一對一的全英文對話英語課，英文進步神速，課程內容包含字母、Phonics、數字、顏色、形狀、認知和邏輯推理，其實不單止於英文，我非常推介！而且Bat Bat 上課時很留心，不會再黏著我，等於媽媽我又有25分鐘me time了，哈哈！

總結一下OiKID課程特色讓大家參考：

1. 一對一真人線上教學，專業英語老師教授，非常懂得引導小朋友主動學習。

2. 每堂課25分鐘，時間剛好，孩子可在高度專注之中學習英文。

3. OiKid 每次課堂後都可重看上課時得錄像，媽媽可以隨時看回播檢視小孩學習情況，也可以和孩子在課前預習、課後複習，提升孩子學習能力。

4. 學習時間自由彈性，上課地點不受限。

5. 有趣的內容，引起孩子學習動機，讓孩子真正愛上英文。

6. 媽媽可在旁參與，親子共學，也讓家長更了解孩子學習狀況。

價錢合理平均每堂百多元

課程適合3-15歲兒童，價錢方面也很合理，平均每堂百多元（HK$），小朋友就可以學好英文了。OiKID有不同年期的方案，非常彈性，如果各位有興趣不妨向OiKID查詢，可以試堂啊！

免費體驗連結： http://bit.ly/oikidCoLam

本文同時刊登於：Learning Fun 兒童學習部落格

文章超連結網址：https://bit.ly/351qBEV

::::::::追蹤Mrs Co:Lam 凱林家生活 :::::::::

如果喜歡我的分享，記得追蹤埋「Mrs Co:Lam 凱林家生活」其他平台，更快知道更多更好的有趣資訊。

Mrs Co:Lam 凱林家生活

Website: www.mrscolam.com

Food & Restaurant

無論係梗廚定開放式廚房　都可以用明火煮食！換個嵌入式煤氣爐等老公大飽口福！

Posted on 11/06/202111/06/2021

最近老公經常暗示父親節就到了，問我與小朋友如何一起慶祝，哈哈…其實我一早已決定為老公炮製他最愛吃的中餐，今次試煮新菜式，他一定會喜歡！說起煮食，大家都知道我一向是明火煮食的Fans，記得曾在朋友的廚房試過使用電磁爐，可能因為看不到火，熱力控制上真是頗有難度的; 煮出嚟嘅味道顏色梗係差D! 相反我在家中一向用明火煮食，火候鑊氣一定比較好，不論大火細火都能夠控制得精準細緻; 而且親眼看到火有多大，相對易掌握得多，煎炒煮炸炆燜燻焗的菜式都輕易做到。

#明火煮食可以保留食物色香味

其實不少大廚炒菜煮食都習慣用明火，尤其中菜廚師，真的不要叫他們用電磁爐，哈哈！要有鑊氣，強勁的火力就很重要，大火明火可快速煮熟食物，縮短煮餸時間之餘，更可以保留食物色香味呢。

所以老公以前有問過我需唔需要換電磁爐，話外觀好像「靚啲」又易清潔D，我叫他千萬不可，因為明火除了煮食更快、更方便、更好食，用明火爐更可以自由配搭各種物料的鍋具，不用每次買鍋具時都考慮是否適合電磁爐，真的好方便！

我前陣子去Towngas交煤氣費，發現有幾款嵌入式平面爐可以推介比大家! 其中，職員介紹一隻嵌入式平面煤氣爐比我，話火力夠，兼備獨立芯火，而且有多款顏色選擇，除咗黑色之外，還有白色、藍色及淺綠色！另外，仲有女仔看見會心心眼的粉紅色 Hello Kitty 型號，真係靚到不得了。

這款型號的爐頭仲有自動熄火時間功能，行開之前只須預先設定時間，到了時間後便會自動熄火, 真的很適合我呢類住湊細路嘅媽媽呀！

還有，爐頭使用耐用強化玻璃面，十分易清理，而密封式設計可以防止液體流入爐頭內，槽式火孔設計爐頭蓋不易堵塞，每次清潔可省下不少功夫。

#開放式廚房都可以明火煮食？

不過今次去Towngas 最大收穫是聽職員講解了好多有關消防條例資訊… 於開放式廚房設計，無論使用電磁爐或者煤氣爐，都要符合消防條例及合乎大廈公契; 只要符合指定條件及安裝消防設備，開放式廚房明火煮食絕對是可行的！之前我一向都想有個開放式廚房，可以一邊煮食，一邊跟老公或者朋友傾偈，不過以前以為開放式廚房與明火煮食不能並存而作罷，現在才知道兩者並沒有衝突。

記住，煮好一餐飯是非常重要，所以大家要好像我一樣，選擇優質的嵌入式煤氣爐，就可以輕輕鬆鬆煮出更多美味大餐給老公和家人吃。

Uncategorized

珍貴手摘花瓣造！Kiehl’s 170 周年復刻限量版超吸引

Posted on 01/06/2021

原來Kiehl’s 今年已經170 周年喇！行街經過Kiehl’s都見到推出咗好多170周年限量版系列產品同禮品，好靚好吸引。

皇牌經典限量版產品包裝唔只靚，仲採用咗環保物料，白色x金色設計嘅全新限量玻璃瓶，完全係好classic嘅感覺，當中包括我平時好鍾意用嘅金盞花植物精華爽膚水(Calendula Herbal-Extract Toner)，裡面嘅金盞花精華同人手採摘嘅原片金盞花瓣，好啱缺水泛紅肌膚用，可以重點紓緩調理同改善敏感泛紅，不含酒精成分，用完肌膚好爽好舒服，我覺得好適合口罩敏感肌膚。

170 周年復刻限量版：玫瑰清新爽膚水

不過另一支更吸引我注意嘅係支復刻1960年代嘅玫瑰清新爽膚水 ( Kiehl’s Heritage Rosewater Toner Limited Edition) 170 周年復刻限量版！

原來1960 年代係一個多重護膚程序嘅新紀元，嗰時嘅女性開始尋找精美奢華嘅產品，呢支全新研製嘅爽膚水係取材自 Kiehl’s 從 1960 年代推出嘅玫瑰爽膚水系列，滿注自外國入口嘅玫塊花水，不但感覺清新，而且更選取來自有「世界玫瑰花園」之稱嘅土耳其，玫瑰花瓣係由全人手摘取嘅可持續再生嘅整片花瓣，非常珍貴。呢支爽膚水性質溫和，而且散發住輕柔清雅嘅玫瑰香氣。只需一抺間就可以幫助保濕平衡膚質，適用於面部及身體肌膚，一打開已經聞到好香嘅玫瑰味，唔止舒緩皮膚，仲令心情放鬆，好relaxing!

可水洗嘅紙袋？

Kiehl’s喺1900 年代初期由家族成員 Irving Morse創立Kiehl’s 藥房，嗰時佢已經好重視俾客人「先試後買」，鼓勵客人選購佢親手製造嘅產品前先體驗一下，咁先知邊種先最符合自己嘅需要。所以到今時今日，先試後買同派試用裝已經成為Kiehl’s嘅傳統，真係好貼心，我自己都好欣賞佢哋喺百幾年前就建立呢套咁體貼嘅產品/服務哲學！

今次Kiehl’s 170周年，唔只皇牌經典限量版同復刻限量版嘅產品包裝吸引，仲有好多購物禮遇！睇吓我身邊嘅係咪好似Kiehl’s紙袋？其實係170 周年環保購物袋，以 100% 天然植物纖維及可水洗紙環保物料製造，製作及生產過程不含有害物質。佢係今次170周年限量版禮遇之一，文青風格，有型又充滿知性美！

另外， Kiehl’s 都推出咗兩套 170 周年限量護膚套裝喺網上率先限量發售，買兩件送5件，都只係幾百蚊好抵買！

Kiehl’s 網店：https://shop.kiehls.com.hk/

170周年購物禮遇

即日至 6 月30 日於 Kiehl’s 專櫃購買任何一件170 周年限量版產品，即可獲得…..

禮遇 1

凡購物滿 HK$1,080 (包括一件 170 周年限量版)，即可獲贈指定 5 件旅行試用裝及170 周年環保紙購物袋乙個 (價值HK$441)。環保袋靈感源於 Kiehl’s 經典紙袋設計，以100% 天然植物纖維及可水洗紙環保物料製造，製作及生產過程不含有害物質。

禮遇 2

購買任何一件 170 周年限量版及一件面部產品，即可獲贈任何 4 件旅行試用裝。

快啲去睇吓啦！

::::::::追蹤Mrs Co:Lam 凱林家生活 :::::::::

如果喜歡我的分享，記得追蹤埋「Mrs Co:Lam 凱林家生活」其他平台，更快知道更多更好的有趣資訊。

Mrs Co:Lam 凱林家生活

Website: www.mrscolam.com

Food & Restaurant

K11 Musea下午茶好地方：清新日系Afternoon Tea TEAROOM

Posted on 01/06/2021

跟老公約好要去日本，疫情後就沒然後了，相信好多人都同我哋一樣…..除了大家最掛念嘅刺身，其實我對日本洋食情有獨鍾，啲意粉、沙律、蛋糕都係寧舍特別嘅。

好彩日本嘅Afternoon Tea TEAROOM其實香港都有，呢個 #下午茶好地方就喺尖沙咀K11 MUSEA，同日本嘅Afternoon Tea TEAROOM一樣，風格走小清新嘅田園路線，除咗好啱閨蜜、情侶嚟食tea，其實喺悠閒tea time後，再食個輕盈嘅early dinner先係最完美！

– 自選Afternoon Tea Set 只係$168就有3件蛋糕及1杯自選飲品。

我同老公由tea食到dinner，終於除咗合作湊仔之外，有啲時間傾吓偈。Afternoon Tea TEAROOM 甜品係日系風格，好多款式都用水果入饌，包括士多啤梨、紅桑子等，自選Afternoon Tea Set 只係$168就有3件蛋糕及1杯自選飲品！

啲蛋糕非常正！同老公食第一啖cake大家就立即對望變咗「心心眼」 ( 極度懷疑我老公鍾意食甜品多過鍾意我，haha）

野餐籃上嘅Afternoon Tea Set, 好有feel~ 而3款蛋糕我哋揀咗個Strawberry Yogurt Cream Parfait、兩款季節限定嘅蛋糕：

*季節限定* Strawberry and Matcha Azuki Bean Scone Shortcake

*季節限定* Matcha and Raspeberry Shortcake

3款都好好食，尤其個士多啤梨醬真係好清新甜美，加上抹茶香氣同日本紅豆嘅口感，唔會死甜又refreshing，難得嘅美味。

– Strawberry Galette with Salted Caramel Sauce ($98)

兩個人淨係食三件蛋糕梗係唔夠，叫埋呢度 signature 嘅Strawberry Galette with Salted Caramel Sauce 先得！我本身都好鍾意海鹽類嘅甜點，加上呢度嘅士多啤梨醬嗰種清新感，唔怪得係signature。 Galette薄餅用法國無麩質蕎麥粉做，非常鬆軟，有淡淡麥味，襯埋個雪糕一齊食，好正好啱夏天。

– 季節限定Sakura Cappuccino Chai with Sweet Red Bean Paste ($78)

飲品推介各位試吓季節限定嘅Sakura Cappuccino Chai with Sweet Red Bean Paste (熱飲），粉紅色嘅Cappuccino 除咗靚，仲用咗Chai tea加紅豆，其實都可以當係甜品！

– Chardonnay Darjeeling Tea Soda ($78)

凍飲推介選擇季節限定嘅 Chardonnay Darjeeling Tea Soda，裡面有Chardonnay Darjeeling 啫喱，配合青檸、frozen grape 嘅茶底加有汽嘅梳打，我會用「清新芳香」形容，好啱配甜品飲！

日系清新沙律飯、明太子魷魚圈意粉

– Smoked Salmon and Fruit Sushi Salad ($138)

晚餐方面，我哋食咗個「煙三文魚生果壽司沙律飯」，好特別又好開胃，好啱夏天食！呢個沙律飯用咗13穀米，加咗啲壽司醋，配合沙律菜、煙三文魚、新鮮水果，仲有個柚子醬汁，睇落賞心悅目，食落好清新，夏天成日覺得飽飽滯滯，食呢個沙律飯就最啱，仲好健康㖭。

– Genovese Pasta with Spicy Cod Roe Sauce & Spear Squid （$138）

另外個Genovese Pasta with Spicy Cod Roe Sauce & Spear Squid 都好食，一來有我最鍾意嘅明太子同魷魚圈，二來個意大利青醬都好正，用咗橄欖油、大蒜、鯷魚、羅勒、巴馬臣芝士，就係呢種日本洋食嘅意粉令我難以抗拒，食嘅時候滲透住奶油嘅香氣，又有明太子嘅惹味，魷魚圈好彈牙，意粉煮得剛好，不過記住趁熱食，唔好掛住影相影到凍哂，個醬會冇咁好食㗎。

Afternoon Tea Tearoom HK

尖沙咀梳士巴利道18號Victoria Dockside K11 Musea B1樓B112B號舖

::::::::追蹤Mrs Co:Lam 凱林家生活 :::::::::

如果喜歡我的分享，記得追蹤埋「Mrs Co:Lam 凱林家生活」其他平台，更快知道更多更好的有趣資訊。

Mrs Co:Lam 凱林家生活