Lifestyle

最啱BB家庭嘅水機 FRECIOUS Fuji富士山天然水

Posted on

終於遇上細小纖巧、有設計感嘅靚靚水機喇!呢部FRECIOUS Fuji 日本富士山天然水機,係咪好的骰、設計好時尚好靚呢?只要屋企有大約A4 size嘅空間就可以放到呢部ORE喇,仲有另一部座地款SLAT都好靚好纖巧!不過揀佢當然唔係只係睇外表啦,健康係無價寶,水質都好重要㗎!

好多媽媽自從有咗小朋友之後,屋企都一定會裝設濾水器,但其實再進一步,從「水源」做起就更好!Frecious Fuji係天然嘅富士山地下水,水源採自日本富士山1,000米海拔高地,完全不受任何污染,天然純淨,當中更蘊含富士山玄武岩層嘅珍貴礦物「釩」,有益健康。水中嘅鈣、鎂等礦物質比例好均衡,而且檢測亦證實致癌物質硝酸態氮、亞硝酸態氮嘅含量近乎為零,同時已安全通過放射性物質檢查,絕對可安心飲用。

睇番資料仲會發現,FRECIOUS Fuji嘅採水工廠係第一個獲得食品安全管理系統國際標準「FSSC22000」認證嘅飲水機專業生產商,呢個認證申請難度極高,可以話係最嚴謹嘅安全證明!

一般蒸餾水一定唔會有富士山水嘅礦物健康元素啦,而且味道方面亦都差好遠!FRECIOUS Fuji 富士山水唔會有陣「蒸餾水味」,而係甘甜溫和嘅山水。因為佢係屬於「軟水」(硬度為24),用嚟煮飯、煲湯、沖咖啡、沖茶都特別美味。

沖奶嬰幼兒放心飲用

對有BB嘅家庭來講,最重要一定係FRECIOUS Fuji 嘅水係可以用來沖奶,嬰幼兒都可以放心飲用。

各位爸媽都應該知道,一般蒸餾水因為缺少礦物質同人體必需微量元素,並不適合嬰幼兒長期飲用,更可能會影響BB生長。而FRECIOUS Fuji 富士山水就唔同喇,經檢定適合用來沖泡奶粉、製作嬰兒副食,母乳媽媽亦可以放心飲用。

水機除咗按個掣就有冷水、熱水之外,我仲好鍾意佢係有常溫水選擇。機身有兩粒掣係「環保模式」,「COLD ECO」嘅預設溫度係17℃,平時好方便,直接幫Bat Bat 裝水樽帶返學就得。媽媽們亦可以選擇「HOT ECO」嘅常溫水幫BB沖奶粉(預設溫度70℃),唔使熱水溝凍水,勁方便。

我放咗部水機喺廳,全家都立即飲多咗水,尤其爸爸咁多年來成日唔飲水,我仲以為佢唔鍾意飲水,點知部機來到嘅第一日,就見佢一晚飲咗5、6杯水!我仲問佢啲水真係咁好飲咩?佢話:「方便就手呀嘛!」

FRECIOUS Fuji優惠  訂購即減HK$200

由日本直送到家嘅富士山天然水,價錢亦冇想像中咁貴,平均約HK$6.45 / 500ml,用APP就可以訂水好方便咋。

想試嘅朋友可以到FRECIOUS Fuji 網站選購適合自己嘅計劃:

FRECIOUS Fuji 網站: https://bit.ly/3w1DcF4

購買時輸入邀請碼:【DP010】即減HK$200!

Facebook: FRECIOUS Fuji
Instagram: frecious_fuji_hk

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Lifestyle

浴室升級大作戰!更換花灑及水龍頭 – 上集

Posted on

間屋都住咗十年喇,加上Bat Bat 大個咗啲我又冇咁忙,開始想upgrade 吓間屋。

第一步:換過晒浴室嘅花灑同水龍頭先!

今日出旺角裝修街,已經睇中咗啲心水產品,鎖定咗屋苑唔少住戶用緊都讚好嘅歐洲品牌GROHE,質素有保證之餘,耐用且功能性強,款式仲好靚添。話晒浴室花灑同水龍頭,一用就分分鐘用十年,品質+功能+設計俱備真係缺一不可㗎!

我同老公喺做research揀衛浴產品嘅時候,就歸納咗一啲重點注意事項,大家有興趣都可以參考,一齊研究吓:

1. 淋浴及淋浴龍頭

– 外露式還是隱藏式?

因為隱藏式需要敲破瓷磚再重鋪,如果你好似我咁唔想大裝修,建議揀返外露式,安裝方便快捷。
 

– 淋浴龍頭位置是否安全?

小朋友高度非常容易撞到沐浴龍頭出水口,記得小心出水口擺放,建議使用可旋轉收起嘅龍頭,避免小朋友撞到,亦非常慳位!
 

– 淋浴龍頭設計是否美觀兼實用?

我嘅心水係新式設計,有寬敞又亮澤的表面,同時又可以放置淋浴用品;同我舊有嘅浴室龍頭好唔同,舊款只係普通一個龍頭,咩都放唔到㗎。

– 有冇慳水設計?

慳水唔只慳錢,仲更環保!以前嘅沐浴龍頭係發展商附送冇乜講究,自己揀梗係要揀夠慳水嘅。GROHE有EcoJoy節水技術設計,相比一般同類型嘅產品,能夠節省20%水,同時又不影響用家的嘅淋浴體驗。

– 其他注意事項

1. 左右移動龍頭時是否順暢?

2. 龍頭水流質感是否柔和?

3. 設計簡約時尚,襯返自己屋企裝修

4. 用得「就手」

2. 洗手盆水龍頭

– 高度及長度是否配合洗手盆?

– 龍頭水流質感是否柔和?

– 設計及顏色選擇

行咗旺角裝修街好幾間唔同嘅舖頭,發覺品牌、款式同用料都五花八門,之前喺網上雖然睇咗好多資料,但同親身去門市睇真係好唔同!單靠網上嘅資料,其實好難揀到邊款先真正適合自己屋企,一定要親自去門市睇同做比較,先會搵到最啱自己嘅產品。
 

雖然唔少人都提議上外國大型網購平台買花灑龍頭,話價錢會化算啲,但我就建議唔好因小失大,花灑、水龍頭閒閒地都用十年八年,親身去睇、摸上手先知道件貨真正嘅質感同手感。香港咁方便,親身去舖頭睇同揀貨,除咗有sales親自講解同解答問題,唔使靠估靠彩數之外,萬一件貨有咩問題都有售後保障,有人幫手跟進,更加有信心保證。
 

尤其用耐咗可能有啲零件要更換,到時仲可以喺香港專門店配得返。送貨時間亦更加有保證,唔使擔心咁多。
 

落門市睇完,我好快就鎖定咗GROHE嘅兩件產品,因為連我老公做室內設計嘅朋友都話佢成日推薦啲客選用嚟隻牌子。而且唔少大型商場同五星級酒店都用緊,證明啲產品有幾高質素啦!最重要係品質耐用、設計襟睇,就算我嘅浴室唔係大裝修,我都好期待換咗GROHE嘅產品之後,設計感大增、俾我哋一種煥然一新嘅感覺!

其他細節就等遲啲我屋企安裝完再同大家分享Before/ After啦!

GROHE門市地址:旺角上海街664號 (地圖按此)

#浴室花灑 #龍頭 #裝修 #貴買平用

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Lifestyle

綠在西貢 極新嬰兒用品玩具大放送

Posted on

各位爸爸媽媽,將軍澳寶琳「綠在西貢」今期有嬰兒用品收集同派發呀!同大家報告吓,剛去完見到所有收集返嚟派發嘅BB用品質素都好高,好多都係新嘅一樣,種類又多元化,包括好新淨嘅high chair、Aprica BB車、BB布書仔、Medela 奶泵、好靚嘅背包仔、嬰兒床邊玩具、地墊、BB衣物等,只要大家有需要就可以免費帶返屋企。

而如果各位屋企有8成新以上嘅嬰幼兒用品想清出嚟轉贈俾人,都要把握機會,環保免浪費,一來自己屋企可以騰出番啲空間,二來仲可以俾啲用品第二生命,知道有人啱用,自己都會好開心!

不過交去綠在西貢轉贈前 #記得一定要清潔乾淨 先好拎去呀。

其實小朋友真係大得快,好多嘢只用過幾次就唔啱用,所以我同身邊班朋友都好鍾意 #先徵後買 #優先選用二手 呢個concept,響應環保又慳錢,Bat Bat 由細到大嘅用品同BB衣物,有唔少都係朋友轉贈或者網購二手㗎,當中仲增加咗媽媽們之間嘅交流、互相扶持同祝福,好有意思。

#綠在西貢 嬰兒用品收集及派發計劃 

????

 收集日期:延長收集期至5月31日

????

 時間:逢星期一至日 8:00 – 18:30

????

 收集地點:#綠在沙田 (石門安平街10號)、#綠在觀塘 (九龍灣常怡道27號)、#綠在西貢 (將軍澳寶琳里3號)

????????‍♀️

收集內容:八成新淨的二手嬰兒用品*

????

收集種類:可摺疊的嬰兒傢俱、可摺疊的嬰兒車和學行車、嬰兒揹帶、嬰兒衣服及玩具

* 嬰兒用品收集概覽詳情:
https://www.facebook.com/photo/?fbid=158974546480855&set=a.133251145719862

#二手玩具回收 同期進行中~

大家支持環保,Follow埋 綠在西貢Sai Kung Recycling Station 就可以知道多啲有咩回收同派發活動啦!

#基督教家庭服務中心 #特別社區活動 #嬰兒用品回收及轉贈計劃 #BB用品回收 #綠在區區 #環保

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Beauty

[元朗髮型屋SALON] 令髮質變好的電染 x 修護焗油

Posted on

整完個頭又精神番晒喇!

上星期終於忍唔住急call髮型師Ron幫我搞搞個頭,髮質依家靚番晒,重生一樣呀~ 

前嗰排好多朋友都發現咗我啲頭髮已超過咗可忍受嘅臨界點,變得亂糟糟,因為毛燥、開叉、乾旱嘅頭髮自己係處理唔到嘅,只可以搵專人幫手搞番掂…… 

所以我就的起心肝去整頭喇,今次我同Ron講,最重要係 #自然 #髮質好,因為大家都見本身毛燥比較勁,因為之前漂咗兩三次,今次我想keep 住順滑持久啲!Ron 幫我揀咗日本同台灣大熱 TOKIO DESIGN INKARAMI (台灣叫 #京喚羽 )電直髮,呢個名嘅由來係做完呢個 【電髮 x 修護】之後,頭髮會好似羽毛咁輕盈柔滑、發放光澤!

一般電髮/ 直髮都係傷頭髮嘅,但京喚羽就顛覆呢個傳統,喺電髮嘅同時注入修護,等於同時做咗焗油(如果唔電髮,都可以就咁做呢隻焗油,又或者染髮 x 修護都得)。

其實我十幾年前都有做過電髮同直髮,但做完之後髮尾啲頭髮就完全殘晒,要剪晒佢!因為我嘅頭髮本身較幼弱,承受唔到傳統藥水嘅負荷,所以從此之後我就冇電曲電直過啲頭髮⋯⋯

估唔到今次相信Ron嘅建議做呢隻TOKIO DESIGN INKARAMI 直髮 x 修護,效果會咁好,真係喜出望外!

因為我之前漂過頭髮,髮色開始偏黃,電直之後Ron 就幫我染咗啞啡色,本來偏黃嘅髮色望落就更健康喇,滿足晒我要【靚髮質】嘅要求。

成個修護療程仲跟多一支home care treatment俾我喺屋企繼續修護髮質,可以令柔順效果延長兩倍時間! 今次電+染+剪雖然用咗四個幾鐘,不過我預計效果可以keep到起碼四個幾月,其間keep到把頭髮自自然然唔使點搞,計落都係值得嘅~

Unite Hair Salon 呢度我覺得係元朗數一數二最靚嘅Hair Salon,質素有中環咁好, 又用Dyson風筒,價錢都幾ok,佢喺千色附近,如果搵Ron,可以話係凱林介紹,我幫大家問咗Ron 攞8折㗎喇。

RON LAM HAIR

https://www.instagram.com/h_ron_lam/
https://www.facebook.com/53137299ronlam/

元朗紅棉圍3號厚德樓6號舖 UNITE

Whatsapp:5313 7299 (星期一放假)

自動Whatsapp Link:https://wa.link/1ci1n6

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Beauty

空瓶分享!Clarins Double Serum 賦活雙精華

Posted on

天氣一乾燥,一班女人仔圍埋就會傾吓有咩護膚品好用,因為皮膚狀態變差真係好煩惱,樣唔靚,換季有咩新嘅靚衫都會冇心機。我以前都曾經煩過,不過自從遇上Clarins Double Serum賦活雙精華之後就一天光晒,如果要我講一件我用到空瓶仲會再回購嘅精華產品,我一定會推介佢!

有用過Double Serum嘅就知佢係一支好特別,獨有雙管設計嘅雙精華,一支有齊【水+油】雙精華配方,水油以2:1親膚黃金比例調製,所以肌膚塗上精華後好快滲入肌底。質感方面,唔好以為佢有油就會好笠,其實水+油調和後,推開一啲都唔油唔黏,按上面精華好快就被肌膚吸收咗,只會感到好滋潤好舒服,唔再掹掹緊。其實Double Serum一年四季都可以用,不過秋冬轉季大家就會覺得更需要佢,因為用佢即時改善肌膚效果真係好work。

睇吓,抬頭紋改善咗好多!

因為Clarins Double Serum有植物萃取成份,可以激發5大細胞修護功效 — 再生、滋養、保濕、活氧、防禦。用咗佢之後,肌膚即時會見到光澤感提升,再用1星期左右,我仲見到皮膚明顯緊緻咗,連皺紋同細紋乾紋都減淡不少,尤其係有啲細紋同乾紋仲消失埋或者已經唔再咁明顯見到喇。只要持續用一段時間,肌膚就會keep住都咁彈咁潤,就算秋冬季都唔怕肌膚變差晒。

如果第一次用嘅話,可以試咗小pump先,扭動瓶頂就可以控制大小pump,用慣咗就可以按自己狀況pump出來用。我就習慣用一大pump按勻全面再按頸,早晚一次就可以令肌膚保持緊緻彈滑,擊退皺紋,重煥年輕肌膚啦。

購物禮遇

CLARINS專櫃及官網現已推出3款賦活雙精華節日限定「買1送3」套裝,適合不同肌齡嘅選購,只需$900就能擁有1支50ml Double Serum,以及2款指定皇牌禮品連1個精美化妝袋!另外,仲有更多Double Serum優惠套裝喺官網及專櫃發售!https://bit.ly/3qKUyoX

#DoubleSerum #DS忠粉空瓶聯盟 #修護精華

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Food & Restaurant

餃子の王樣:無激素添加日式餃子推介!

Posted on

我哋屋企食開一隻無激素添加、100%歐洲豚肉嘅日式餃子,不過最近周圍都好難搵到,問咗朋友,原來啱啱「品牌升級」,現在王者歸來叫「餃子の王樣」,包裝多咗日本餃子文化四格漫畫都幾得意,升級品牌同樣有兩款餃子,分別係豚肉甘藍圓白菜餃子、豚肉粟米鮮菜餃子,一樣係大大粒多菜多肉,餡肉濃郁多汁,拎到返屋企,Bat Bat 一餐就食咗6粒喇。

點解周圍搵都要搵返呢隻餃子?因為自從我做咗媽媽,屋企有小朋友,就愈來愈著重食品質素同食材安全,所以我好鍾意呢個品牌嘅餃子採用100% 歐洲豚肉同新鮮蔬菜,並通過國際機構檢測,證實無激素添加、無抗生素添加,咁就確保小朋友唔會細細個開始就食埋啲添加物入肚啦。

其實睇包裝已經列晒出嚟,除咗得意嘅日本四格漫畫,更重要係有品牌承諾嘅標籤:

無激素添加!!

無抗生素添加!!

非轉基因大豆油!!

無人工色素!!

無防腐劑!!

市面一般嘅餃子好多都冇註明豬肉嘅激素、抗生素使用情況,但「餃子の王樣」就有大方列明,同埋我留意到佢哋列明咗餃子用嘅係最好食嘅豬腿肉配合新鮮蔬菜,肉菜黃金比例1:1,連平時成日唔鍾意食菜嘅Bat Bat 都會成隻餃子食晒唔挑食,輕鬆有菜落肚,實在太好啦!

「餃子の王樣」價錢仲唔貴,一包10粒通常只係賣$2X可以話係超值,無論煎、煮、蒸、氣炸都係咁好食,無添加、方便又美味,真係家庭長期必備嘅食品。

品牌升級嘅「餃子の王樣」,品質都有升級,由日本進口嘅日本餃子生產綫可以製作出更完美嘅正宗日本餃子新月形狀,餃子形狀靚,食都食得開心啲。

食評分享~

《豚肉粟米餃子》

餃子皮薄煙韌幼滑,豬腿肉軟熟又帶點彈牙,肥瘦適中,多汁但不油膩,不過最意想不到係裡面一粒粒清甜又飽滿的粟米,好似新鮮摘落來嘅一樣,Bat Bat 同我都非常鍾意,一定要俾佢滿分!

媽媽未影完相佢就食咗!哈哈!

《豚肉白菜餃子》

氣炸之後外皮脆卜卜好香口,180度10分鐘食得!另外落鑊煎都好香脆,裡面餡料肉嫩多汁,不論外觀還是味道都跟在日本旅遊時喺餐廳吃的煎餃完全一樣,採用日本進口嘅機器生產嘅正宗日式餃子係特別有日本地道風味。

提提大家,「餃子の王樣」嘅豬肉本身已熟,所以煎、煮、蒸、炸或氣炸都好快就食得,愛健康嘅大家及各位媽媽,我非常推介呀!

售賣點:波仔, Ocean Three, Fresh超市, Smart Food凍肉店, HKTV Mall 及各大優質食材店

Beauty

一樽抵三樽!日台熱爆vitoas逆齡護膚只要10秒

Posted on

好多媽媽同我講,做咗人阿媽之後,連瞓覺都冇時間,仲邊有時間講究護膚,雖然見住自己變mombie,肌膚變得暗啞冇晒彈性,啲細細紋愈出愈多,但都冇辦法。

咪住!我想大大聲講:媽媽們唔使放棄自己㗎!想保養好肌膚,其實唔一定要花時間搽好多護膚品先有效,揀啱一支All in One護膚品就可以代替晒爽膚水+精華+乳液乳霜,每次只需要10秒就可以令你肌膚keep住水嫩緊緻、又彈又滑。

所以如果一有媽媽話好忙冇時間護膚,我一定推介佢用日本台灣熱爆嘅vitoas多效極妍鎖濕菁華,呢支All in One護膚一樽就結合晒爽膚水、精華、乳霜,做到保濕、撫平細紋、抗衰老嘅功效,大大改善皮膚暗啞粗糙、乾燥鬆弛、法令紋加深嘅問題,用vitoas只需一個動作就做晒三個護膚步驟,啱晒我哋呢種繁忙媽媽。

不過,點解 vitoas 可以咁完美混合爽膚水嘅水份同精華乳霜嘅油份呢?名副其實嘅水包油喎!原來係vitoas係日本百年大廠Suntory所研發嘅All in One保養品,唔係就咁混合水同油咁簡單,而係真正融合令到「水油並存」。每次搽vitoas,注意唔好係手心推開再擦上臉,而係用手指將精華液點係面上再推開,多重護膚成份就自自然然依次序咁滲透入肌膚底層。

佢哋叫呢個做WOW高滲透型乳化技術 (water in oil in water),令到大忙人都可以善用vitoas 高效率地護膚,根本可以話係最高效率嘅「逆齡護膚品」,一來幫我哋慳時間,二來唔使用咁多樽護膚品亦可以減輕肌膚嘅負擔。

vitoas (台灣叫佢蜜得絲)喺日本同台灣都好Hit,因為佢一步到位代替多重護膚步驟,做晒保濕、抗衰老,省時省力咁幫我哋做好熟齡階段嘅保養。我第一次用已經見到效果好神奇,一用完肌膚就明顯水潤咗好多,效果持久keep到成日;然後用咗一個月後肌膚改善就更明顯,彈潤透亮,就算有時唔夠瞓,第二日起身我嘅肌膚仍然係水嫩緊緻,又彈又滑!

雖然All in One 但質地好輕盈,滋潤唔笠,主要美容逆齡成份包括玻尿酸補水、蛋白聚醣令肌膚彈潤緊緻、ceramide屏護鎖水!配合Suntory嘅WOW三段式滲透技術,一支就做齊爽膚、注入精華素、鎖濕保護乳霜效果,而家我嘅法令紋同細紋都淡晒,所以話冇時間唔緊要,用vitoas就唔使做mombie啦。

而家vitoas 可以喺三得利香港官方網站上買到,雖然一支就免運,但我會一次買幾樽,優惠會多啲!有朋友同我講過似乎有點小貴,不過我都會提醒vitoas 係一支代替3支護膚品,而且佢特別大支有120ml,除開真係唔算貴啦,最緊要係有效果,幫我哋keep young, look young! 第時我小朋友大個咗,我都唔會變咗老媽子,仲可能似佢家姐,咁就好喇!!

用法我唔多講,因為vitoas 佢寄埋好詳盡嘅小冊子教埋一啲獨門手法,都係好快好easy,好期待香港嘅媽媽都愈來愈靚愈來愈後生,大家努力呀!

如果想買vitoas, 可以喺三得利嘅網上官方商店買到,先可以保證日本原裝正貨,仲有獨家9折優惠:

https://hk.swellness-online.com/pages/promo?f=vthklpjz-1910-kh&m=mrscolam&s=vt57060006-kh

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Lifestyle

凱林評測報告:3歲用到18歲FreeMAX兒童成長學習桌椅

Posted on

工欲善其事必先利其器,Bat Bat升K2開始會學寫字,佢亦愈來愈喜歡花時間睇書,所以都係時候要幫佢準備合適嘅桌椅,防止佢坐姿唔正確造成寒背同大近視。

以前我都唔明點解啲小朋友要用呢啲有斜台嘅學習桌椅,做咗阿媽先明都係唔想佢哋咁快做「低頭族」,身邊有幾個朋友用緊FreeMAX Enjoy 嘅兒童學習桌同成長椅,書枱同張椅都可以調校高度,可由3歲用到18歲,個個用緊嘅朋友都大讚好用話冇買錯,令我都好有興趣!帶埋Bat Bat去試坐完,我就立即決定Bat Bat都係揀呢套喇。

師傅一安裝完,Bat Bat 已經好開心成日自己坐喺度睇書、畫畫、做功課,變成屬於佢嘅學習小天地。最重要張椅有碌移動好方便,但一坐落去就會自動lock實,唔會俾小朋友郁嚟郁去,真係一個超級正嘅設計!!

FreeMAX Enjoy D兒童學習書桌係最新型號,符合人體工學設計,坐姿正確就可以保護小朋友脊椎,健健康康咁成長,而家等我逐點詳細同大家分享點解我咁鍾意佢,大家有興趣可以參考吓。

1. 唔只書桌可調校高度,椅子亦可調校椅腳及椅背高度,甚至坐墊深度!
隨着小朋友成長由幼稚園用到中學,用足十幾年都得,桌面90CM闊,唔會太細唔夠用,但又唔會太大,適合香港嘅小家居。

2. 書桌面板嘅高度同傾斜度都可以調節。
高度:升降範圍52-76CM,適合3-18歲使用

*佢嘅「手搖式升降系統」好簡單,升高同降低書桌話咁易,個手柄用完可以收返埋,唔怕小朋友手多搞到。

傾斜度:可根據唔同需要調節至0至60°,方便睇書、畫畫、做功課、玩玩具,保持腰背脊柱姿勢正確,小朋友唔使成日dup低頭,頸部同背脊都唔會咁易出問題。

*用手握住開關向上拉起或向下放平,當到達所需角度鬆開開關即可。

3. 收納位多
枱底有特大分隔式抽屜,枱面亦有書架擺放書本同學習用品,仲內置一個閱讀架,睇書時可以調校角度,用完又可以收起,好方便。

兩側有掛鉤可以放畫袋、書包,小朋友嘅學習用品歸一唔使隨處擺。

4. 書枱有活動輪設計
有需要時可以輕鬆將書枱移動到唔同位置,唔使用力搬㗎!

5. 護脊雙背人體工學設計
張兒童成長椅最特別嘅地方係佢嘅護脊雙背人體工學設計,成張凳唔止舒服,仲可以根據小朋友身型作出微調,椅背模仿頸椎孤度,為腰椎提供支撐,令小朋友姿勢坐得正確。

6. 細心底座設計
最細心嘅係張椅個底座設計,原來可用作腳踏,防止好似Bat Bat 咁比較細粒嘅小朋友雙腳懸空,好貼心。


不過佢有個缺點!

就係座椅只有粉藍同粉紅色,媽媽們一定都知道呢啲色唔襟污糟!所以我建議如果想3歲用到18歲一定要加椅套!!!我遲咗冇加椅套好快已經後悔,唉~~~ 而家FreeMAX有做緊Enjoy 兒童桌椅套裝8折再送椅套優惠,想買最好趁而家喇。

香港書展優惠
如果各位都想購買嘅就要留意,嚟緊香港書展 FreeMAX 都有攤位!
日期: 2021年7月14-20日 
地址: 香港灣仔博覽道一號香港會議展覽中心 
攤位: 3C-C35及3C-B36 

書展優惠都幾吸引:
–兒童桌椅單買9折 
-大將作兒童桌椅套裝85折 
-Enjoy 兒童桌椅套裝8折再送椅套 
-獨家送Just Climb兒童攀石體驗優惠卷(書展獨家優惠) 

FreeMAX官網都有7月限定優惠!
-全線書包85折
-兒童桌椅單買9折 
-大將作兒童桌椅套裝85折 
-Enjoy 兒童桌椅套裝8折再送椅套

網購額外購買優惠
只要用優惠碼【Colam100】喺FreeMAX官網購買小朋友產品滿$1000即可立即減$100,每張訂單只限使用一次。
*限時至2021年7月30日咋。

FreeMAX Enjoy學習桌椅套裝詳情:https://bit.ly/3e6wTb9

FreeMAX網站:https://bit.ly/3qdIb2c

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Mom & Baby

兒童網課推介:1對1外籍老師,輕鬆學會標準口音、英文詞彙!

Posted on

雖然我們平時都用中文和Bat Bat 溝通,Bat Bat 念的也不是國際幼稚園或英文幼稚園,但4歲的他每次看到外國小孩都會主動「轉台」改說英語:「Hello, I am Bat Bat, what’s your name?」然後很自然地邀請人家一起玩。

其實小朋友就如一塊海綿,吸收很快,想學英文很簡單,只需製造機會讓他多聽多說就可以。其中我很喜歡的一個網上兒童英語學習平台OiKID特別好,足不出戶就可以讓他和外籍英語老師全程一對一用英文上課,學習豐富的英文詞彙、標準的英語口音及正確文法。

育兒生活已經如此繁忙,不用舟車勞頓的網上課程非常棒,但最重要是OiKID有專業英語老師真人互動,課程編排又有趣,令小朋友愉快地投入學習。

其實所謂的網上課堂,一點都不像傳統課堂,反而就像玩遊戲一樣寓教於樂。上課時只需在家中打開電腦/ iPad,老師就在屏幕上開始與Bat Bat聊天互動,全程英語對答,見Bat Bat雖然有時會停下來思考某些英語詞彙應怎麼說,但老師總會適當地循循善誘,整體而言二人英語傾談甚歡。

看!一起扮funny face讓Bat Bat很興奮:

(課後回播影片的截圖)

全程輕鬆聊英語 玩得開心!

本來剛開始時我還擔心網課對幼兒而言會有隔閡,Bat Bat 會否覺得沉悶而逃走?但我看到的情境卻是一個全程聚精會神的Bat Bat,和老師說著英語,還玩得很開心。

老師:What color is the car?

Bat Bat: The car is red! I like red! 

(然後Bat Bat把家中紅色的玩具都拿出來,如數家珍向老師介紹)

老師:Well done! You have so many toys in red! You like the color red.

課堂中,老師準備了很多有趣的課題,透過色彩繽紛又可愛的卡通插圖,讓Bat Bat 非常集中地一邊玩遊戲,一邊學習各種顏色、數學、圖案,甚至不同動物名稱。

25分鐘的課堂,轉眼就過去,Bat Bat 還不捨得下課!之後晚上還問:「媽媽,我好喜歡Miss Caitilyn,幾時再上課?」
 

小朋友每星期都有一對一的全英文對話英語課,英文進步神速,課程內容包含字母、Phonics、數字、顏色、形狀、認知和邏輯推理,其實不單止於英文,我非常推介!而且Bat Bat 上課時很留心,不會再黏著我,等於媽媽我又有25分鐘me time了,哈哈!

總結一下OiKID課程特色讓大家參考:

1. 一對一真人線上教學,專業英語老師教授,非常懂得引導小朋友主動學習。

2. 每堂課25分鐘,時間剛好,孩子可在高度專注之中學習英文。

3. OiKid 每次課堂後都可重看上課時得錄像,媽媽可以隨時看回播檢視小孩學習情況,也可以和孩子在課前預習、課後複習,提升孩子學習能力。

4. 學習時間自由彈性,上課地點不受限。

5. 有趣的內容,引起孩子學習動機,讓孩子真正愛上英文。

6. 媽媽可在旁參與,親子共學,也讓家長更了解孩子學習狀況。

價錢合理  平均每堂百多元

課程適合3-15歲兒童,價錢方面也很合理,平均每堂百多元(HK$),小朋友就可以學好英文了。OiKID有不同年期的方案,非常彈性,如果各位有興趣不妨向OiKID查詢,可以試堂啊!

免費體驗連結: http://bit.ly/oikidCoLam

本文同時刊登於:Learning Fun 兒童學習部落格

文章超連結網址:https://bit.ly/351qBEV

::::::::追蹤Mrs Co:Lam 凱林家生活 :::::::::

如果喜歡我的分享,記得追蹤埋「Mrs Co:Lam 凱林家生活」其他平台,更快知道更多更好的有趣資訊。

Mrs Co:Lam 凱林家生活

Facebook: www.facebook.com/mrscolam

Instagram: www.instagram.com/mrscolam

Email: hello@mrscolam.com

Website: www.mrscolam.com

Food & Restaurant

無論係梗廚定開放式廚房 都可以用明火煮食!換個嵌入式煤氣爐等老公大飽口福!

Posted on

最近老公經常暗示父親節就到了,問我與小朋友如何一起慶祝,哈哈…其實我一早已決定為老公炮製他最愛吃的中餐,今次試煮新菜式,他一定會喜歡!說起煮食,大家都知道我一向是明火煮食的Fans,記得曾在朋友的廚房試過使用電磁爐,可能因為看不到火,熱力控制上真是頗有難度的; 煮出嚟嘅味道顏色梗係差D! 相反我在家中一向用明火煮食,火候鑊氣一定比較好,不論大火細火都能夠控制得精準細緻; 而且親眼看到火有多大,相對易掌握得多,煎炒煮炸炆燜燻焗的菜式都輕易做到。

#明火煮食可以保留食物色香味

其實不少大廚炒菜煮食都習慣用明火,尤其中菜廚師,真的不要叫他們用電磁爐,哈哈!要有鑊氣,強勁的火力就很重要,大火明火可快速煮熟食物,縮短煮餸時間之餘,更可以保留食物色香味呢。

所以老公以前有問過我需唔需要換電磁爐,話外觀好像「靚啲」又易清潔D,我叫他千萬不可,因為明火除了煮食更快、更方便、更好食,用明火爐更可以自由配搭各種物料的鍋具,不用每次買鍋具時都考慮是否適合電磁爐,真的好方便!

我前陣子去Towngas交煤氣費,發現有幾款嵌入式平面爐可以推介比大家! 其中,職員介紹一隻嵌入式平面煤氣爐比我,話火力夠,兼備獨立芯火,而且有多款顏色選擇,除咗黑色之外,還有白色、藍色及淺綠色!另外,仲有女仔看見會心心眼的粉紅色 Hello Kitty 型號 ,真係靚到不得了。

這款型號的爐頭仲有自動熄火時間功能,行開之前只須預先設定時間,到了時間後便會自動熄火, 真的很適合我呢類住湊細路嘅媽媽呀!

還有,爐頭使用耐用強化玻璃面,十分易清理,而密封式設計可以防止液體流入爐頭內,槽式火孔設計爐頭蓋不易堵塞,每次清潔可省下不少功夫。

#開放式廚房都可以明火煮食?

不過今次去Towngas 最大收穫是聽職員講解了好多有關消防條例資訊… 於開放式廚房設計,無論使用電磁爐或者煤氣爐,都要符合消防條例及合乎大廈公契; 只要符合指定條件及安裝消防設備,開放式廚房明火煮食絕對是可行的!之前我一向都想有個開放式廚房,可以一邊煮食,一邊跟老公或者朋友傾偈,不過以前以為開放式廚房與明火煮食不能並存而作罷,現在才知道兩者並沒有衝突。

記住,煮好一餐飯是非常重要,所以大家要好像我一樣,選擇優質的嵌入式煤氣爐,就可以輕輕鬆鬆煮出更多美味大餐給老公和家人吃。