小朋友好鍾意賽車、軌道玩具,但媽媽就又愛又恨,因為雖然益智好玩,但好多時只要唔見咗一件,就成組軌道報銷玩唔到,而且次次都砌同一條軌道亦好快玩厭!所以當我發現Qbi嘅磁吸積木軌道,簡直覺得係天才設計!呢啲磁吸積木可以任砌,組織成唔同嘅軌道,Bat Bat 超級鍾意。
除咗軌道,Qbi仲可以用嚟砌成唔同嘅機械人、建築物、恐龍、動物等,總之發揮創意、想像力,再加上喺砌積木過程磨練出嚟嘅建構技巧,我發現真係砌咩都得,而且Bat Bat 一路玩,經過一般時間後,佢建構嘅軌道規模仲愈來愈大。有時我經過見到佢砌出嚟嘅嘢都會好驚訝,咁豐富創造力嘅作品,好明顯係經過思考、規劃、動手嘗試先可以砌到出嚟。 因為我自己都試過一齊砌,尤其較大嘅作品如果結構唔啱絕對真係會冧,並唔係想像中咁易。
元朗Salon 質素真係好參差,如果各位元朗嘅朋友都搵緊適合嘅元朗Salon, 我就非常推介去iForward Salon 搵阿Ron。間Salon全層3000呎,啱啱裝修完又大又靚,裏面仲有個corner裝修到成間cafe咁,好有日系文青feel。Salon喺元朗嘉城廣場隔籬轉角位,招牌係「IFW」都應該幾易搵到。